Thursday, 12 August 2010

ကလေးမှတ်ဥာဏ်

အသက် (၁၂)(၁၃) နှစ်အရွယ် ကလေးတွေဟာ ဦးနှောက်ရော ခန္ဒာကိုယ်ရော တပြိုင်တည်း ဖွံ့ဖြိုးတယ်လို့ ကြားဖူးတယ်။ ဒီအရွယ်ကလေးတွေရဲ့ မှတ်ဥာဏ်ဟာ စတင်ဖွံ့ဖြိုးကာစမို့ အရွယ်ရောက်ပြီးသား လူကြီးတွေရဲ့ မှတ်ဥာဏ်နီးပါး မှတ်သားနိုင်ကြတယ်။ စူးစမ်းလေ့လာတတ်ကြတယ်။ သိချင်တဲ့ အကြောင်းအရာကို သိအောင်ကြိုးစားပြီး မသိတာကိုလဲ မေးမြန်းကြတတ်တဲ့အရွယ်။ စကားများတဲ့ အရွယ်ပေါ့။ တချို့ကလေးတွေက အသက် (၉)နှစ်လောက်ကစပြီး ဥာဏ်ရည်ဖွံ့ဖြိုးတာကိုလဲ တွေ့ရပါတယ်။ ဒါကထားပါ။ ကျနော်က ဆရာဝန်မဟုတ်တဲ့ အတွက် ကျမ်းမာရေးရှု့ဒေါင့်ကနေ ကြည့်ပြီး တထစ်ချ ပြောလို့မရပါဘူး။ အဓိက ပြောချင်တာက ဒီအသက်အရွယ်ရောက်တဲ့ ကလေးတွေနဲ့ စူးစမ်းလေ့လာ စဉ်းစားပြီး ဦးနှောက်ထဲကို ရိုက်သွင်းတတ်တဲ့ စိတ်ဓာတ်တချို့ပါ။ ဒီအသက်အရွယ် ကလေးတွေက မိဘတွေရဲ့ အုပ်ထိန်းမှုအများကြီး လိုအပ်သလို မိဘတွေကြောင့် တမျိုးတဖုံး ပြောင်းလဲ နိုင်တဲ့ အသက်အရွယ်တွေပါ။ မိဘတွေရဲ့ စကားတခွန်းက သားသမီးဘဝ အတွက် အများကြီး အရေးပါတယ် ဆိုတာကိုပါ။

ကျနော် ကြည့်ဖူးတဲ့ ရုပ်ရှင်တကားပေါ့။ ကလေးဟာသ ကားပါ။ အသက်အားဖြင့်(၁၂)လောက်ရှိမယ်။ ကလေးပီပီ စူးစမ်းလေ့လာတတ်တာ။ လူကြီးတွေပြောသမျှ၊ ကြားဖူးသမျှကို မှတ်ပြီး ပြန်မေးတတ်တာ။ နည်းနည်းထူတော့ ကလေးပီပီလွဲတတ်တာလေးကို ရိုက်ပြထားတဲ့ ဟာသကားပါ။ တနေ့ အဲဒီကောင်လေးက တစုံတခုကို စဉ်းစားမိပြီး သူ့ကို ထိန်းနေတဲ့ နမ်နီကြီးကိုမေးတယ်။ မေးတဲ့မေးခွန်းက ကလေးက ဘယ်ကနေထွက်လာတာလဲတဲ့။ အလုပ်မအားတဲ့ နမ်နီကြီးကလဲ ကလေးဆိုတာ ငါတို့လို မိန်းမ အင်္ဂါကနေထွက်လာတာပါ ။ငါတို့လို မိန်းမတွေမှ ကလေးမွေးလို့ရတယ်။ မိန်းမတွေမှာပဲ ရှိတယ်လို့ ပြီးစလွယ် ပြောလိုက်တယ်။ ကလေးက အဲဒါကို ပဲစဉ်းစားပြီး မိန်းမအင်္ဂါကို မြင်ဖူးချင်စိတ်တွေ ဖြစ်လာတယ်။ အိမ်မှာ အမေက အမြဲအလုပ်သွားနေရတာ။ အဖွားကိုလဲ မေးရမှာ ကြောက်တယ်။ နမ်နီကြီးကိုလဲ ထပ်မမေးချင်တဲ့အတွက် အဲဒီကောင်လေးက ကျောင်းက မိန်းခလေးအတန်းဖော်ကို မေးဖို့ ကြိုးစားတယ်။ ကြိုးစားတိုင်း ကြောက်ပြီး မမေးရဲတဲ့ ကောင်လေးကို အတန်းက ဆရာမက သတိထားမိပြီး ကလေးကို အတင်းခေါ်မေးတော့တယ်။ ကောင်လေးက မဖြေဘူး။ ဆရာမက ခြိမ်းခြောက်မေးတော့မှ ကောင်လေးက ဆရာမကိုပဲ ပြောတော့မယ်။ ဆရာမကူညီရမယ်။ ကတိပေးပါ။ဘယ်သူ့ကိုမှလဲ ပြန်မပြောရပါဘူး ဆိုပြီး ဆရာမဆီက ကတိတောင်းတော့ ဆရာမကလဲ ကောင်လေးစိတ်ချမ်းသာအောင် လွယ်လွယ်ကူကူပဲ ပေးလိုက်တယ်။ အဲဒီမှာ ကောင်လေးက ကလေးမွေးတဲ့ မိန်းမအင်္ဂါ ဘယ်လိုရှိလဲ ဆိုတာ မြင်ဖူးချင်လို့ အဲဒါဆရာမ ပြပါ ဆိုပြီးတောင်းဆိုတော့မှ ဆရာမက အရမ်းရှက်ပြီး ကတိကလဲ ပေးထားတယ် ပြဖို့ကလဲ ခက်တော့ ကောင်လေးအမေကို ခေါ်ရတဲ့ အထိ ဖြစ်သွားတယ်။

နောက်တော့ ဆရာမနဲ့ ကောင်လေးအမေက အကြံတခုရပြီး ခွေးမလေး တကောင်ကို ကောင်လေးအတွက် ဝယ်ပေးလိုက်တယ်။ ပြီးတော့ ခွေးမလေးက ကလေးမွေးလို့ရတယ် ဆိုပြီး ပြလိုက်တော့ ကောင်လေးက သူသိချင်တာ သိသွားတဲ့ အတွက် ကျေနပ်သွားပါတယ်။ (စာဖတ်သူတို့ ဒါဖိုးစိန်ငယ်ငယ်တုန်းက လုပ်ခဲ့တာလား ဆိုပြီး တွေးမနေနဲ့ဦးနော်)

တကယ်လို့ ဒီနေရာမှာ ဆရာမရော မိဘပါ ဆူပူ ကြိမ်းမောင်းမယ်ဆိုရင် နည်းလမ်းမရှာတတ်ဘူးဆိုရင် ဒီကလေးရဲ့ သိချင်တဲ့ အတွေးကနေ မကောင်းတဲ့ ဆီကို ရောက်သွားနိုင်တယ်။ သိချင်တာ မသိရတဲ့အတွက် နည်းမျိုးစုံနဲ့ သိအောင်လုပ်ရင်း အမှားတွေ တွေ့သွားနိုင်တယ်။ နမ်နီပြောလိုက်တဲ့ စကားတခွန်းကို တသက်လုံးစွဲပြီး ဆိုဒ်ကိုဝင်သွားနိုင်ပါတယ်။ ဟာသကားပေမယ့် ပညာပေးပါပဲ။

ကျနော်တို့ငယ်ငယ်တုန်းကလဲ ဒီလိုပဲ။ အပြင်အပေါင်းအသင်း သူငယ်ချင်းတွေ မရှိတော့ ရိုးတယ်ပြောမလား ရွဲ့တယ်ပြောရမလား မိဘပြောသမျှကို အကုန်မှတ် အကုန်ယုံပြီးလိုက်လုပ်တာပဲ။ အမေကတော့ လွယ်လွယ်ပဲပြောလိုက်တာပဲ။ ကျနော်တို့ကတော့ အတည်ယူပြီး မှတ်ထားမိတာပေါ့။

အငယ်ကောင်က မေးဖူးတယ်။ မိန်းမတွေ ဘာလို့ ဗိုက်ကြီးပြီး ကလေးမွေးတာလဲတဲ့။မေမေကပြောဖူးတယ်။ ယောကျားနဲ့ မိန်းမတူတူနေရင် ဗိုက်ကြီးတယ်တဲ့။ မင်္ဂလာမဆောင်တဲ့ ယောကျားနဲ့ မိန်းမ တူတူနေရင် ငရဲကြီးတယ်။ ပြီးတော့ အမေနဲ့ ညီမနဲ့ မဟုတ်ပဲ ယောကျားလေးနဲ့ မိန်းခလေးတူတူ အိပ်ရင် ဗိုက်ကြီးတတ်တယ်။ ငယ်ငယ်နဲ့ တူတူအိပ်လို့ ဗိုက်ကြီးရင် သားတို့ ငရဲကြီးမယ်။ သေရင် ငရဲပြီးမှာ ဒုက္ခခံစားရမယ် ပြီးတော့ တဘဝလုံး ထောင်ထဲမှာ နေရမယ်။ လူ့လောက ကို ပြန်လာလို့ မရတော့ဘူး လို့ ပြောတယ်။ ကျနော်တို့ကတော့ ဘာမှ သေချာမသိပေမယ့် မှတ်ထားတာပေါ့။ အငယ်ကောင်က အဲဒါကို စွဲနေတယ်။ တနေ့ အဖွားက အိမ်မှာလာနေတော့ ခါတိုင်း အိပ်နေကျအတိုင်း အငယ်ကောင် ကုတင်မှာ ပဲ အိပ်ဖို့ လုပ်တယ်။ အငယ်ကောင်က အိပ်ခါနီးကျတော့ ခေါင်းအုံးကို ပိုက်ပြီး အိပ်ရှေ့ထွက်လိုက် နောက်ဖေးဝင်လိုက် လုပ်နေတယ်။ အဖွားနဲ့ မအိပ်ဘူး။ ဒါနဲ့ အဖွားလဲ အိပ်ဖို့ နောက်ကျနေပြီးဆိုတော့ မာန်မဲပြီး အငယ်ကောင်ကို ခေါ်အိပ်တယ်။ အငယ်ကောင်က စူပွပွနဲ့ ဝင်အိပ်ပြီး မကြာဘူး အိပ်ယာထဲ ကနေထအော်တယ်။ “မေမေနော်… အဖွားနဲ့သားနဲ့ က မင်္ဂလာမဆောင်ရသေးဘူး။ အဖွားဗိုက်ကြီးလို့ သားငရဲကျ၊ ထောင်ကျရင် အဲဒါသားအတာ မဟုတ်ဘူး အဖွားကို ဒီကုတင်မှာ လာပေးအိပ်တဲ့ မေမေ့ အတာပဲ “ဆိုတော့မှ အဖွားက ပျာပျာသလဲလဲ ဖြစ်ပြီး အမေနဲ့ အဖေကို ကလေးတွေကို ဘာတွေ သင်ထားလဲ ဆိုပြီးထအော်ပါလေရော။ အမေနဲ့ အဖေကတော့ ရယ်လို့ မဆုံးပေါ့။ သင်ပေးတုန်းက ငယ်ငယ်ရွယ်ရွယ်နဲ့ အမှားမလုပ်အောင်ပါ။ အငယ်ကောင် မှတ်ထားတဲ့ မှတ်ဥာဏ်က တလွဲဖြစ်နေတာလေးပေါ့။

နောက်တခုက ညီမလေးကို မေမေက ပြောနေကျ။ အမေနောက်ကွယ်မှာ အဖေက နောက် မိန်းမ တစ်ယောက်ယောက်နဲ့ တွဲသွားရင် ဥပမာ ဖေဖေက မေမေနဲ့ မဟုတ်ပဲ တခြား မိန်းကလေး တစ်ယောက်နဲ့ ကားတူတူ စီးသွားတာမျိုး၊ ဆိုင်ကယ် စီးသွားတာမျိုး ဆိုရင် အဲဒီမိန်းမက မကောင်းဘူး။ အဲဒီမိန်းမက မိသားစုကို ဖျက်စီးမှာ။ အမေနဲ့ သမီးတို့ကို ခွဲမှာ ဘာညာနဲ့ အမေက ပြောတာပေါ့။ ညီမကတော့ မှတ်ထားတာပေါ့။ တနေ့ အဖေက မေမေ့ ညီမဝမ်းကွဲကို သဘောင်္ဆိပ်ကနေ သွားကြိုလာတယ်။ အဲဒီအချိန် မေမေက ဈေးသွားနေတယ်။ ဖေဖေက အဒေါ်ဝမ်းကွဲကို ဆိုင်ကယ်နဲ့ တင်လာတာ မြင်တော့ ညီမက မေမေပြောထားတာတွေ သတိရလာပြီး အဒေါ် အိမ်ပေါ်တက်လာတာနဲ့ မကောင်းတဲ့ မိန်းမ၊ ဘာညာ ကွိကွနဲ့ သိသမျှတွေ စုံအောင် ခေါ်တော့ အဒေါ်ခမျာ ရှက်လိုက်တာ။ အိမ်မှာတောင် မတည်းတော့ဘူး ပြန်သွားရှာတယ်။ ညီမလေး အသက်ကြီးတဲ့ အထိ အဲဒီအဒေါ်ဆိုရင် အလိုလို မုန်းနေတာ။ တော်တော်လေး သိလာမှ အလိုလိုပျောက်သွားတယ်။ စကားတခွန်းကိုပဲ စွဲသွားပြီး ဦးနှောက်က အဲဒါကိုပဲ မှတ်မိနေတတ်တာပါ။

မေမေက ပြောပါတယ်။ မင်းတို့ မောင်နှမတွေကို ထိန်းရတာမလွယ်ဘူးတဲ့။ စကားတခွန်းမပြောလိုက်နဲ့ အကောင်းဘက်ကနေအရင် မတွေးဘူးတဲ့။ စကားတခွန်းကို တော်ရုံချင့်ချိန်ပြီးပြောရတယ်တဲ့။
ဟုတ်လဲဟုတ်ပါတယ်။ ကျနော်တို့က ရိုးလွန်းနေတာလား။ ရွဲ့လွန်းနေတာလားမသိဘူး။

ကျနော်တို့ သားသမီးအလှည့်ကျရင် ကလေးတွေကို ဘယ်လို မက်ဆေ့မျိုးပေးပြီး ဆုံးမရပါ့မလဲ..။

ကလေးအဖေ အမေ ဖြစ်နေတဲ့ သူငယ်ချင်းတွေ စဉ်းစားကြည့်ကြဖို့တော့လိုလိမ့်မယ် ထင်တယ်နော်။း)




ချစ်ခင်လေးစားစွာဖြင့်
ဖိုးစိန်

Monday, 9 August 2010

သူ့လို မိန်းမ

လူတစ်ယောက်ရဲ့ စိတ်ကို လူတစ်ယောက်ရဲ့ အပြုအမူကို ကြည့်ပြီး ဆုံးဖြတ်နိုင်တယ်ဆိုတာ (၅၀) ရာခိုင်နှုန်းလောက်တော့ မှန်နိုင်ပါတယ်။ တချို့က တထစ်ချ ဆုံးဖြတ်လို့ ရနိုင်တဲ့သူရှိသလို တချို့ကျ မှန်းချက်နဲ့ နှမ်းထွက်နဲ့ မကိုက်ညီတာ မျိုးတွေရှိတတ်ပါတယ်။ ဘာပဲ ဖြစ်ဖြစ် ကိုယ်က လူတစ်ယောက်ကို နှစ်သက်သည် ဖြစ်စေ၊ မနှစ်သက်သည် ဖြစ်စေ မကောင်းတဲ့ဘက်က အလျင်စလို မသုံးသပ်မိပါစေနဲ့။ ကိုယ်မနှစ်သက်ရင်တောင် ကောင်းတဲ့ဘက်ကနေ လှည့်တွေးပြီး နားလည်ပေးလိုက်ပါ။ လူစိတ်ဆိုတာ အမျိုးမျိုးပြောင်းလဲ နေတတ်တယ်ဆိုပေမယ့် ပြောင်းလဲခြင်းအပေါ်မှာ မပြောင်းလဲတတ်တဲ့ စိတ်တွေ ရှိပါသေးတယ်။ တချို့က အပြင်ပန်းကောင်းနေပေမယ့် အတွင်းမကောင်းတာမျိုးတွေ ရှိမယ်။ တချို့က နှစ်မျိုးလုံးမကောင်းတာ ရှိမယ်။ တချို့က အပြင်ရော အတွင်းစိတ်ရော ကောင်းနေတာ မျိုးတွေ ရှိမယ်။

ကျနော်ငယ်ငယ်က တွေ့ဖူးတဲ့ မိန်းမတစ်ယောက် ကတော့ အပြင်မကောင်းပေမယ့် အတွင်းကောင်းတဲ့သူပါ။နာမည်က ဒေါ်တင်တင်ထွေး..

သူ မကောင်းပုံကတော့…..

ဒေါ်တင်တင်ထွေးက ကျနော်တို့ ရပ်ကွက်မှာ နာမည်ကြီးတယ်။ ယောကျားရှုပ်တယ်။ သားသမီးတွေကို နှိပ်စက်တယ်။ မွေးထားတဲ့ သားသမီးတွေနဲ့ ယူထားတဲ့ ယောကျားတွေနဲ့ ဘယ်တော့မှ မတည့်ဘူး။ အိမ်မှာ မတည့်လို့ ရပ်ကွက်ထဲက လူတွေနဲ့ အဆင်ပြေသလားဆိုတော့ လဲ မောက်မာပြီး အကြောမာတဲ့ ဒေါ်တင်တင်ထွေးကို ဘယ်သူကမှ အပေါင်းအသင်းမလုပ်ချင်ကြဘူးပေါ့။ ချမ်းသာတဲ့ မိဘတွေ လက်မှာ ကြီးပြင်းလာတဲ့ အတွက် အရာရာကို ပိုက်ဆံပေး ဖြေရှင်းချင်တဲ့ စိတ် ဒေါ်တင်တင်ထွေးမှာရှိတယ်။ အဖွားနဲ့နေခဲ့ရတဲ့ အတွက် အိမ်တွင်းမှု အလုပ်သိမ်းထုပ်သေချာပါတယ်။

အသက် (၁၉) နှစ်မပြည့်ခင်မှာ ကိုမင်းသစ် ဆိုသူနဲ့ အိမ်ထောင်ကျတယ်။ အိမ်ထောင် အစမှာတော့ သာသာယာယာပါပဲ။ သားတစ်ယောက် သမီးတစ်ယောက်ရတယ်။ သားသမီးတွေ အရွယ်ရောက်တဲ့ အချိန်မှာ ဆရာဝန်တစ်ယောက်နဲ့ ရှုပ်တယ်ဆိုတဲ့ သတင်းတွေ ထွက်ပြီး ကိုမင်းသစ် ဆုံးတယ်။

ကိုမင်းသစ်ဆုံးပြီး မကြာဘူး။ ဆရာဝန်နဲ့ ယူတော့မလိုလို ဖြစ်လာတယ်။ မကြာဘူး ဆရာဝန်လဲ ကိုယ့်ကိုယ့်ကိုယ် သတ်သေတယ်ဆိုပြီး ဆုံးသွားပြန်တယ်။ အဲဒီအချိန်မှာ အကြီးဆုံးသား ကို အကြောင်းမရှိပဲ အမွေပြတ်စွန့်လွှတ်တယ်။ မကြာပြန်ဘူး။ ကိုထွန်းလွင်ဆိုတဲ့ ဆရာဝန်နဲ့ အိမ်ထောင်ပြုလိုက်တယ်။ အိမ်ထောင်ပြုပြီးမကြာခင် ဒေါ်တင်တင်ထွေး ကိုယ်ဝန်ရလာတယ်။ အဲဒီအချိန် သမီးအငယ်က အိမ်ပေါ်ကနေ ပျောက်သွားတယ်။ သတင်းကြားတာက သမီးက ဆိုးလို့ ဒေါ်တင်တင်ထွေးက သတ်လိုက်သလိုလို၊ လင်နောက်လိုက်သွားသလိုလိုနဲ့ သားရော သမီးရော အစဖျောက်ချင်းခံလိုက်ရတယ်။

ဘဝဆိုတာ ရှုပ်ထွေးလွန်းလှတယ်။ ဒေါ်တင်တင်ထွေးအကြောင်းကို လူတွေ ရှေ့တမျိုး နောက်တမျိုးနဲ့ အတင်းမျိုးစုံပြောကြတယ်။ ဒေါ်တင်တင်ထွေးကြားအောင်ပြောတာလဲ ရှိသလို၊ ပြန်ကြားတာလဲ ရှိတယ်။ ဒါပေမယ့် ဒေါ်တင်တင်ထွေး အပြုံးမပျက်ခဲ့ဘူး။ လူတွေ အားလုံးရှေ့မှာ မနာလိုလောက်အောင်ကို အပြုံးကြီး တခုကို လှလှ ပပ ဆင်မြန်းထားတာ ဒေါ်တင်တင်ထွေး အကျင့် ဖြစ်နေခဲ့ပြီး။
ဒါပေမယ့် ဒေါ်တင်တင်ထွေး ပြုံးနေတဲ့အချိန်ထက် ငိုနေရတဲ့အချိန်ကပိုများနေတာ လူမသိဘူး။ ဒေါ်တင်တင်ထွေး ငိုရလွန်းလို့ ကျနေ ကျ မျက်ရည်တွေမရှိတော့ဘူး။ ဘယ်တုန်းကမှ ခံစားနေရတာကို လူမသိစေခဲ့ဘူး။ကျိတ်ပြီးခံစားခဲ့တယ်။တကိုယ်တည်း ဖြေရှင်းခဲ့တာ ဒေါ်တင်တင်ထွေး ဆုံးတဲ့ထိပါပဲ။

ဒေါ်တင်တင်ထွေးဘဝမှာ ငယ်ငယ်ရွယ်ရွယ်နဲ့ အိမ်ထောင်ကျခဲ့ပေမယ့် အိမ်ထောင်ရေးသာယာခဲ့ပါတယ်။ ချစ်စရာ သားတစ်ယောက် သမီးတစ်ယောက်နဲ့ လူသူအလည်မှာ တကယ်ကိုပျော်ရွှင်ခဲ့ပါတယ်။ သားသမီးတွေ အရွယ်ရောက်လာတော့ ကိုမင်းသစ်က အိမ်ထောင်ရေး ဖောက်ပြန်မှုတွေရှိလာတယ်။ မိန်းမလိုက်စားလာတယ်။ အဆိုးဆုံးက တရပ်ကွက်ထဲနေတဲ့ အိမ်ထောင်သည် အမျိုးသမီးတစ်ယောက်နဲ့ အိမ်ထောင်ရေး ဖောက်ပြန်နေတာပဲ။ ဒါကို ဒေါ်တင်တင်ထွေး သိလာတော့ ကို မင်းသစ်ကို တားတယ်။ ဖောက်ပြန်တဲ့ အမျိုးသမီးကိုလဲ ခြိမ်းခြောက်ပြီးတားတယ်။ ဒါကို ကိုမင်းသစ်သိတော့ ပေါက်ကွဲပြီး ကွာရှင်းဖို့ပြောလာတယ်။ သားသမီးမျက်နှာကို ထောက်တဲ့ ဒေါ်တင်တင်ထွေး တစ်ယောက် ကိုမင်းသစ် အိမ်ထောင်ရေးဖောက်ပြန်တာကို သိရက်နဲ့ မကွာရှင်းခဲ့ဘူး။ ဒါပေမယ့် ကိုမင်းသစ်အပေါ် ဆက်ဆံရေးက စိမ်းကားလာတယ်။ အိမ်ထောင်ရေးဖောက်ပြန်တဲ့ ယောကျားကို မသတီပေမယ့် သားသမီးမျက်နှာနဲ့ အတတ်နိုင်ဆုံး ဟန်ဆောင်နေခဲ့တယ်။

တနေ့မှာ ကိုမင်းသစ် တစ်ယောက် မကောင်းတဲ့မိန်းမနဲ့ တူတူ အိပ်နေတုန်း နှလုံးရှော့ဖြစ်ပြီး ဆေးရုံတင်လိုက်ရတယ်။ ဒေါ်တင်တင်ထွေး တယောက် အရှက်ကြီးရှက်ပေမယ့် ငယ်ကပေါင်းခဲ့တဲ့ သံယောဇဉ်နဲ့ သိက္ခာတွေကို ဖုံးဖိရင်း နေခဲ့တယ်။ကိုမင်းသစ်ဆေးရုံတက်နေချိန်မှာ ဆရာဝန်တစ်ယောက်နဲ့ ရင်းနှီးပြီး သွားသွားလာလာရှိခဲ့တယ်။ အဲဒါကို သားအကြီးက အဖေနောက်ကွယ်မှာ အမေအိမ်ထောင်ရေး ဖောက်ပြန်တယ် ထင်ပြီး အမေကို အရွဲ့တိုက်တယ်။ အိမ်ကပစ္စည်းတွေ၊ ပိုက်ဆံတွေကို ခိုးတယ်။ ကလပ်တက်တယ်။ ညည မူးမူးပြီးပြန်လာတယ်။ တည အမူးလွန်ပြီး ကားမောင်းတာ လူတစ်ယောက်ကို တိုက်မိပြီး သေသွားတယ်။ ယောကျားဆေးရုံတက်နေချိန်မှာ သားဖြစ်သူ ထောင်ကျတာကို မလိုချင်တဲ့အတွက် ရှိသမျှပိုက်ဆံကုန်ချင်ကုန်ပါစေတော့ ဆိုတဲ့ စိတ်နဲ့ သားကို အမှုထဲမှာ မပါအောင် လုပ်ပေးခဲ့တယ်။

ဒေါ်တင်တင်ထွေးတယောက် ယောကျားတာဝန်၊ သားသမီး စီးပွားရေးတွေနဲ့ တော်တော်လေး ကမောက်ကမ ဖြစ်လို့ ပင်ပန်းနေပြီး ဆိုတော့ ဆရာဝန် ရဲ့ အားပေးနှစ်သိမ့်မှုတွေကို သာယာလာခဲ့တယ်။ အဲဒီအချိန်မှာ ကိုမင်းသစ် ဆုံးတယ်။ သားနဲ့ သမီးက အဖေသေတာ အမေ့ကြောင့် ဆိုပြီး အမွေတောင်းတယ်။ ကိုမင်းသစ် ဆုံးတာ ရိုးရိုး နှလုံးရောဂါမဟုတ်ပဲ အဆိပ်ကြောင့် သေတယ်လို့ ရဲတွေ စစ်ချက်ထွက်လာတော့ ဒေါ်တင်တင်ထွေး တစ်ယောက် အဖမ်းခံရတယ်။ အဲဒီအချိန်မှာ ဒေါ်တင်တင်ထွေး သိလိုက်တာက ကိုမင်းသစ်ကို သတ်လိုက်တာ ကိုမင်းသစ်ကို ကုသနေတဲ့ သူ့ကိုလက်ထပ်ခွင့်တောင်းတဲ့ ဆရာဝန်ပဲ ဆိုတာ ပါပဲ။ တရားခံမပေါ်တဲ့အတွက် အချုပ်ကနေလွတ်လာတဲ့ ဒေါ်တင်တင်ထွေး ဆရာဝန်ကို သွားတွေ့တဲ့အချိန် ဆရာဝန်က အမှုမှန်ပေါ်လာလို့ ဆေးသောက်သေပြီး။

ဒေါ်တင်တင်ထွေး အချုပ်ကျနေတဲ့အချိန်မှာ သားအကြီးက အိမ်က ရှိသမျှတွေ ရောင်းနှံပြီးထွက်ပြေးသွားတယ်။ အမေ ကြောင့် ရှက်လို့ သေတော့မယ်ဆိုတဲ့ သမီးဖြစ်သူက ဒေါ်တင်တင်ထွေး အချုပ်က ပြန်ထွက်လာပြီး ဘာမှ မကြာဘူး ဘယ်သူမှန်းမသိသူနဲ့ ကိုယ်ဝန်ရပြန်တယ်။ အချုပ်ကထွက်လာတဲ့ ဒေါ်တင်တင်ထွေး က သမီးရဲ့ အရှက်နဲ့ သိက္ခာကို ကာကွယ်ဖို့ အတွက် ယောကျားတစ်ယောက်ကို အမြန်ကောက်ယူလိုက်ရတယ်။ အချုပ်ကျတုန်းက ကျန်းမာရေး ကိုလာလာစစ်ဆေးတဲ့ ဆရာဝန်ပေါ့။ကိုထွန်းလွင် နဲ့ ယူပြီးမကြာခင်မှာ ကိုယ်ဝန်ရတဲ့အတွက် အချုပ်ထဲမှာတောင် ဒေါ်တင်တင်ထွေး တစ်ယောက် အိမ်ထောင်ရေး ဖောက်ပြန်တယ်ဆိုပြီး သတင်းထွက်နေခဲ့တယ်။ တကယ်တော့ ဒေါ်တင်တင်ထွေးက သမီးကို အဝေးပို့ အိမ်မှာ ကိုယ်ဝန်အတုနဲ့ သမီးသိက္ခာကို ကာကွယ်ခဲ့တာ။

ဒေါ်တင်တင်ထွေး သားလေးထပ်မွေးပြီး(တကယ်တော့ သမီးကမွေးတဲ့ မြေးပေါ့) မကြာခင်မှာ သားအကြီးက ပြန်လာတယ်။ ကုန်သွားတဲ့ပိုက်ဆံတွေအတွက် အမေကို မသိတတ်တဲ့အပြင် အမွေထပ်တောင်းတယ်။ ဒေါ်တင်တင်ထွေး မပေးဘူးပြောတော့ အခုမွေးထားတာ သားမဟုတ်ဘူး ဆိုတဲ့အကြောင်း သတင်းလွှင့်မယ်လို့ ပြောရင်း၊စကားများရင်း၊ ဒေါ်တင်တင်ထွေး လှေကားပေါ်က ပြုတ်ကျပြီး ဆုံးသွားတယ်။

သေသွားပြီးတဲ့ အချိန်ထိ တချို့ တချို့က သေသွားတာ နည်းသေးတယ် ဆိုတဲ့ အကြည့်တွေနဲ့ အတင်းစကားတွေ ဆိုနေကြတုန်း။ ဒေါ်တင်တင်ထွေးကတော့ အိပ်ရက်ပြုံးနေဆဲပဲ။ ဒီတခါပြုံးနေတဲ့ အပြုံးကတော့ သူ့အတွက် အငို မရှိတော့မဲ့အပြုံးပါပဲ။ သူအသက်ရှင်နေတဲ့ အချိန်မှာ အငိုမျက်လုံးတွေကို အတောက်ပဆုံး ပြုံးပြီး ယောကျားနဲ့ သားသမီးအတွက် အတတ်နိုင်ဆုံး မိန်းမကောင်း၊ မိခင်ကောင်းပီသခဲ့တယ်။

သူ မိန်းမကောင်း၊ မိခင်ကောင်း ပီသခဲ့တာကို သူသေဆုံးသွားတဲ့အချိန်ထိ ဘယ်သူ အသိအမှတ်ပြုခဲ့သလဲ။ ဘယ်သူ့ဘယ်သူ အသိအမှတ် ပြုခြင်းကို မခံရပေမယ့် လောကကြီးမှာ တတ်နိုင်တဲ့ ဘက်က အကောင်းဆုံးနေထိုင်သွားခဲ့တယ်။ ဘယ်သူ့ ချီးမွမ်းချင်ကိုလဲ မခံယူခဲ့ဘူး။ သူဘာလုပ်ခဲ့တယ်ဆိုတာကို ဘယ်သူ့ကိုမှ မရှင်းပြခဲ့သလို ဘယ်သူဘာပြောတာကိုမှ အပြစ်မတင်ခဲ့ဘူး။ သူလိုလူ ၊ သူလိုမိန်းမ၊ သူလိုမိခင်မျိုး ဘယ်နှယောက် ရှိနိုင်မလဲ။

ဒါပေမယ့် သူလိုမိန်းမမျိုးတွေ ရှိနေပါသေးတယ်။

ဘယ်တော့မှ အမြင်တခုတည်းနဲ့ အဆုံးအဖြတ်မစောပါနဲ့။

သူတပါးကိုကဲ့ရဲ့အပြစ်တင်ဖို့ထက် သူတပါးရဲ့ စိတ် နားလည်နိုင်တတ်ပါစေ။


ချစ်ခင်လေးစားစွာဖြင့်
ဖိုးစိန်