အလွမ်းစီးချင်း

နေဝင်စ မှောင်ပြပြ အလင်းရောင် ခပ်ဆွဆွလေး ရေးရေးမြင်နေတဲ့ တစ်ခုသော ညနေခင်းမှာပါ.. မထင်မှတ်ထားပါဘူး... မရည်ရွယ်ခဲ့ပါဘူး... တမင်တကာ ကြံစည် မိရလောက်အောင် စိတ်တွေ မယိုင်နဲ့ ခဲ့ပါဘူး... မထင်မှတ်ပဲ ဆွတ်ပျံ့ပျံ့ ကောင်းကင်တနေရာက အနားသတ်ကင်းမဲ့တဲ့ တိမ်ညိုညိုတွေကတစ်ဆင့် ပြိုကျ စီးဆင်းလာခဲ့တဲ့ မိုးသားတွေက ကျနော့်ရဲ့ တည်ငြိမ်ရင့်ကျက်နေခဲ့တဲ့ ရင်ကို လှုပ်နိုးရင်း ပကတိ စီးဆင်းလာလိုက်တာ တဖြည်းဖြည်းနဲ့ အလွမ်းတစ်ခု ဖြစ်တည်လာခဲ့ရတယ်။

လွမ်းတတ်ဖို့ အတွက် အလွမ်းမှာ ဇာတ်ညွန်းတွေ ဇာတ်အိမ်တွေ မလိုအပ်ဘူးလေ.. ချစ်မိတာ မှားတယ်လို့ မထင်မိပေမယ့် အပြစ်ရှိနိုင်တဲ့ မျက်ရည်ခံ အချစ်ညတွေကို အံတုပြီး တစ်ကိုယ်တည်း အထီးကျန်နေမိတယ်...။ အတ္တပြေးလမ်းပေါ်က အရှိန်ပြင်းစွာ မောင်းနှင်လာတဲ့ ကျနော့် မာနတွေ တိမ်တွေလို ဖရိုဖရဲနဲ့ ပျောက်ကွယ်သွားတာလား...။ ရုတ်တရက်ပေါ်လာတဲ့ အကြင်နာရောင်စုံ သက်တန့် တစ်ခုကို မြင်လိုက်ရပြီးတဲ့ အခါမှာ နှလုံးသားက ပေါက်ဖွားလာခဲ့တာက အလွမ်းတွေဆိုရင်လဲပဲ ကျနော်ဒီအလွမ်းတွေကို မြတ်နိုးခင်တွယ် မိမှာပါ…။

ကျနော့် မျက်ဝန်းအိမ်မှာ မျက်ရည်တွေ ဝဲနေသလား...။ ဟန်ဆောင်ပြီး မခံစားချင်ခဲ့ဘူး...။ ငိုချင်နေမိသားဖြစ်နေပေမယ့် စိတ်ကိုတင်းခံ ပြီး ကြားနေရတဲ့ တဖွဲဖွဲ မိုးသံတွေကို ပြုံးမိရင်း အဆုံးမဲ့ အလွမ်းတေးတစ်ပုစ်ကို ဟိုတစ်စ ဒီတစ်စ ညည်းနေတာ စိတ်ပြေသွားရောတဲ့လား...။ ဘာမှန်းမရေရာတဲ့ အလွမ်းတွေ ကျနော့်ရင်ထဲ နူးညံ့စွာ စီးဆင်းလာခဲ့ချိန်မှာ အရာရာ နောက်ကျနေခဲ့ပါပြီ ။ သံသရာ အဆက်ဆက်က ဆုတောင်းမှားခဲ့တာကြောင့် ဒီအလွမ်းတွေက ဘ၀ဂ်ထိတိုင်အောင် ဝေနေဦးမည် ဆိုရင်တောင် များစွာသော မနက်ဖြန်တွေနဲ့အတူ အလွမ်းတွေ တမ်းတမက်မော ခုံမင်နေမိဦးမှာပါ..။

လွမ်းနေလျှက်နဲ့ ဟန်ဆောင်ပြီး ပြုံးရတဲ့ ဘဝဟာ မွန်းကျပ်လွန်းပါတယ်လေ... ကျနော့်ရင်ထဲမှာ သက်ပြင်းတွေကို အခါခါ ခိုးချ တမ်းတလွမ်းဆွတ်မိတိုင်း ပေါက်ကွဲ ခံစား လာတဲ့ အချစ်ကြောင့် ဖြစ်တည်သော အလွမ်းတွေက နွမ်းလျလျ သက်ပြင်းရှိုက်သံ တွေကြား မျက်ရည်တွေအဖြစ်နဲ့ တင်းကနဲစီးကျလာမြဲပါ…။

“ကြင်နာစွာ ချစ်ခဲ့သမျှကို
သေချာစွာနားမလည်ခဲ့ရင်
ဝေဒနာတွေ အပြည့်နဲ့
ဒီရင်မှာ လွမ်းနေရမယ်...။
ပြေးကြည့်လို့လဲမရ
နားစွင့်လို့လည်းမကြားနိုင်တဲ့မင်းကို
ငါ့အချစ်တွေ အနေတောင့်ဖို့
ဒီည…. ကောင်းကင်အနမ်းနဲ့
ငါမင်းကို လွမ်းနေတယ်
မင်းအိပ်ပျော်ပါစေကွယ်။”


ခံစားမှုမဲ့ ဒီအလွမ်းကဗျာ တစ်ပုစ်ကို အခေါက်ခေါက် ညည်းဆိုနေရင်း ဘယ်ဆီက မြစ်ဖျားခံလေသလဲမသိတဲ့ အကြောင်းအရာ တစ်ခုအတွက် အလွမ်းတွေ မှိုင်းနေအောင် ညိုနေခဲ့ရတဲ့ ဒီညနေခင်းလေးကို ကျနော် တမ်းတလွမ်းဆွတ်နေတတ်ခဲ့တယ်။ ဒီလိုနဲ့ စိတ်ဝိဥာဉ်တွေ တမြည့်မြည့် လောင်ကျွမ်း .. အားအင်ချိနဲ့ လို့ အဆုံးမရှိတဲ့ ဒီအလွမ်းတွေကို ကျနော့် နှလုံးသားက အံ့သြစရာကောင်းလောက်အောင် ခုံမင်တက်မက်နေမိပြန်တယ်။ အခု နေသားကျနေတဲ့ ဒီအလွမ်းတွေနဲ့ ကျနော် ပျော်တတ်နေခဲ့ပါပြီး...။

မရေရာတဲ့ ဘဝမှာ အစကတည်းက အနှုတ်လက္ခဏာ နဲ့ ကျနော်ပါ…။ ကြင်နာခြင်းတွေ ရဖို့ ဆုတောင်းရင်း တခါတရံ နားလည်မှု မရခဲ့တဲ့ ညတွေမှာ အလွမ်းတွေကိုပဲ အိပ်မက် တစ်ခု လို လိုချင်တမ်းတနေတတ်ခဲ့တယ်…။

မြင်လဲလွမ်း… မမြင်လဲလွမ်း… အချိန်တိုင်းလွမ်းနေမိလို့ တားဆီးမရနိုင်သော ရူးသွပ်ခြင်းတွေ နဲ့ စွဲလမ်းနေမိတာက ကျနော့် နှလုံးသားရဲ့တောင်းတချက်တစ်ခု ဖြစ်လာပြန်တယ်…။ ကျိန်စာသင့်နေတဲ့ လွတ်လပ်မှုတွေက မြတ်နိုးစွာ ချစ်တတ်လွန်းတဲ့ ကျနော့်အသက် ရှင်မှုကို ခါးသီးစွာ ရပ်တန့် သွားမိစေတယ်ဆိုရင်တောင် မျှော်လင့်မိတာ တစ်ခုက ကျနော်ပြောနေကျ …အသံတိတ်ပြောမိနေဆဲ အလွမ်းပုံပြင်ဟောင်း တစ်ပုစ် ဖြစ်ပါစေ ပေါ့…။

နှလုံးသားက တောင်းဆိုတဲ့ လိုအင်ဆန္ဒတွေကို သက်ပြင်းများအဖြစ် ခဏခဏ ခြွေချ ။ ကာရံ တွေ သံစဉ်တွေမညီတဲ့ ကောင်းကင်မှာ တိမ်တွေ ရွေ့လျား နောက်..တဖြည်းဖြည်း ငွေ့ရည်ဖွဲ့ရွာချလိုက်ကြသလို အလွမ်းတွေ မျက်ရည်အဖြစ်ငွေ့ရည်ဖွဲ့ကုန်တာ..ဘယ်နှစ်ရာသီလဲ...။ ကျနော့် အလွမ်းတွေ မျက်ရည်အရောင်နဲ့ ရွာချနေခဲ့ပါရောကွယ်...
ကျနော့် အလွမ်းတွေ ပုလဲအရောင်နဲ့ ရွာချနေခဲ့ပါရောကွယ်... သေချာတာ တစ်ခုကတော့ အချစ်တွေ ကာရံထားတဲ့ ဒီအလွမ်းတွေ ဖျက်ဆီးဖို့ ကြိုးစားတိုင်း ဘယ်တော့ မှ ဖျက်ဆီးမရခဲ့သလို ဘယ်တော့မှလဲ ဖျက်ဆီးပစ်မိမှာ မဟုတ်ဘူးဆိုတာပါပဲ…။

အချစ်တွေ သယ်ဆောင်လာတာ လွမ်းဆွတ်မှုဆိုရင် ရွာရန် ရာနှုန်းအပြည့်အ၀ တရိုတသေ သိုလှောင် ထုပ်ပိုးသိမ်းဆည်းထားမယ်လေ။ ကျနော့် ရင်ခွင် ဘူတာရုံလေးမှာ နောက်ထပ်အလွမ်းရထားတွေ ဘယ်လောက်များများ..ကျနော် ၀မ်းသာ အားရလင့်ကြိုကမ်းဆင့်နေဦးမှာပါ..။

ရင်ထဲမှာ ရှိတဲ့ အလွမ်းတွေကို ဖြေချရင်း သံယောဇဉ်များနဲ့ မချည်နှောင်ပါနဲ့…။ နူးညံ့တဲ့စကားလုံးတိုင်းမှာ ကျဆုံးရလောက်အောင် အလွမ်းတွေ မပေးပါနဲ့လို့ နှုတ်က တဖွဖွရေရွတ်နေရင်း ရခဲ့တဲ့အလွမ်းတွေကို သံယောဇဉ်တွေနဲ့အတူ ချည်နှောင်ယူငင်နေမိဦးမှာပါ။ အလွမ်းစီးချင်းလေးတစ်ခု အမြဲတမ်းရှင်သန်နေဖို့ လွဲမှားစွာ ဆုတောင်းနေမိဦးမှာပါ..။

ချစ်သူ...
မင်းဟာ အလင်းများရဲ့သခင်
ငါ့ကောင်းကင်ရဲ့ ဘုရင်တစ်ပါးဖြစ်တယ်..။
ရှတတနေ့ရက်တွေ
ပုံပြင်ဆန်လွန်းတဲ့ညတွေမှာ
အလွမ်းနဲ့ တင်ဆက်ခဲ့တဲ့
ငါ့ရဲ့မှော်သံစဉ်ကို မင်းနားဆင်ရင်း
အကြင်နာဆုလာဒ်တွေ ပေးတဲ့
မင်းဟာ
ငါ့ဘဝရဲ့ထာဝရ အရှင်သခင်ပါ...။
ငါကတော့
မင်းဆီမှာ တဖဝါးမှ မကွာ ခစားနေမယ့်
အလွမ်းရဲ့ကျေးကျွန်တစ်ယောက်..။





ဖိုးစိန်
(၂၂.၁၀.၂၀၀၉)




(၂၂)ရက်နေ့မှာ မွေးတဲ့ကျနော်က (၄)ဂဏန်းသမားတဲ့... (၄)ဂဏန်းသမားတွေက ကံကောင်းတာ နည်းသလားမသိဘူး... တိုက်ဆိုင်တာ တစ်ခုက ဘဝမှာ အမှတ်တရ ဖြစ်ပျက်တဲ့ အဖြစ်အပျက်မှန်သမျှ (၂၂)ရက်နေမှာပဲ ဖြစ်နေတယ်... အစွဲရှိနေလို့ စွဲနေရင်တောင်မှ တိုက်ဆိုင်လွန်းပါတယ်... မွေးနေ့ကအစပြုလို့ ဗီဇာဝင်တဲ့ရက်တွေအလည် အချစ်တစ်ခု ဖြစ်တည်တာအဆုံး မထင်မှတ်ပဲ (၂၂)ရက်နေ့ ဖြစ်နေတတ်ပါတယ်... ထူးဆန်းလွန်းတာက ခင်မင်မိတဲ့ သူငယ်ချင်းတစ်ချို့လဲ (၂၂)ရက်နေ့ ဖြစ်နေတတ်သလို (၄)ဂဏန်းသမားတွေ ဖြစ်နေတတ်ပါတယ်... အခုတခါ ကျနော့်ရင်ထဲမှာ မြတ်မြတ်နိုးနိုး လွမ်းဆွတ်တမ်းတခဲ့ရတဲ့ နေ့ရက်က (၂၂)ရက်ဖြစ်နေပါတယ်... ခုဆို တစ်စုံတစ်ခုက စလို့ လွမ်းနေခဲ့ရတာ (၅)လ တိုင်ခဲ့ပါပြီး... ကျနော်လွမ်းဆွတ်မိတဲ့သူ ဒီအလွမ်းစီးချင်းကို ဖတ်ပြီး ခံစားနားလည်နိုင်ပါစေလို့ ဆုတောင်းမိတယ်... အချစ်တွေနဲ့ တည်ဆောက်ခဲ့ရတဲ့ ဒီအလွမ်းကို လွမ်းဆွတ်နေရတာတောင် ချစ်တဲ့စိတ်ကြောင့် ခံစားရတဲ့အတွက် ထိုက်တန်စွာ ကျေနပ်မိပါတယ်...

ထပ်တူခံစားသွားသူများကိုလဲ ရင်ထဲက လှိုက်လှိုက်လှဲလှဲ ကျေးဇူးတင်မိမှာပါ... အထူးသဖြင့် (၄)ဂဏန်းမွေးနေ့ ရှင်တွေပေါ့....

အလွမ်းစီးချင်းမှာ ကျနော့်ရင်ထဲ အမှတ်တရ ရှိသူတွေရဲ့ အငွေ့အသက်တွေပါတယ်... အလွမ်းစီးချင်းမှာ ပါဝင်နစ်မျောသူတွေရှိတယ်...

ဒီအလွမ်းစီးချင်းကြောင့် ခံစားရမယ့်သူတွေရှိတယ်... ဖတ်ပြီး ပြုံးမယ့်သူရှိတယ်... ဖတ်ပြီးကျေနပ်မယ့်သူရှိတယ်.. ဖတ်ပြီး ရယ်မယ့်သူရှိတယ်... ဘာဖြစ်ဖြစ် အလွမ်းစီးချင်းဝိညာဉ်ကို ဝင်ပူး သူများအားလုံးကို ကျေးဇူးတင်ပါတယ်...

ချစ်ခင်လေးစားစွာဖြင့်

ဖိုးစိန်

(မျောက်မျောက်)

ခေတ္တ

အလွမ်းမင်းသား