မရှိသုံး

ကျနော်တို့ ငယ်ငယ်က သင်ရတဲ့ စီးပွားရေး ပညာရပ် တစ်ခုမှာပေါ့… ပစ္စည်း ဈေးနှုန်း ကအရမ်း ချိုသာ တယ်၊ သုံးစွဲ သူများ ကလည်း မူးစု ပဲစု ဆိုတဲ့ အချိန်မှာ ဒီပစ္စည်း မျိုး အလွန် ရောင်း ကောင်းတတ် တယ်။ ဒါပေမယ့် လူတွေ ရဲ့  ဘ၀ တွေ အဆင်ပြေ၊ လူနေ မှုတွေ အဆင့်မြင့် ၊၀င်ငွေ တွေတိုး လာတာ နဲ့ အမျှ ၀ယ် လိုအား ကဖုတ်ကနဲ ပြုတ်ကျ တတ်တဲ့ ပစ္စည်းမျိုး ကို မရှိသုံး ကုန်ပစ္စည်း (Inferior goods) လို့ ခေါ်တယ်တဲ့။ ဥပမာ အားဖြင့် အသင့်စား ခေါက်ဆွဲ ထုတ်တို့၊ ကော်ဖီမစ် တို့လို ကုန်အမျိုးအစားပေါ့။

တဖက်မှာ ၀ယ်သူ တွေက ၀င်ငွေ အလွန် ကောင်းချိန် မှာ ၀ယ်လိုအား အတန် အသင့် ရှိမယ်၊ ပစ္စည်း ဈေးနှုန်း ကတော့ ထိလု မိုးဆီ တိမ်သို့မှီ။ ၀င်ငွေ နည်းနည်း လျှော့သွား တာနဲ့ လုံးဝ ကိုမရောင်း ရတော့တဲ့ ပစ္စည်း မျိုးတွေ ကိုဇိမ်ခံ ကုန်ပစ္စည်း (Luxury goods) တွေလို့ သတ်မှတ်တယ်။ ဥပမာ- ရွှေ၊ ကျောက်မျက် ရတနာ၊ ဇိမ်ခံကား များ စသည်ဖြင့်ပေါ့။ ဒါတွေက ဘဝမှာ မရှိမဖြစ် မဟုတ်ပေမယ့် ရှိသင့်တာတွေပါ။


တကယ်တမ်းကျ သိန်းငါးရာ ထီပေါက် ရင် ခေါက်ဆွဲ ခြောက် ကို ဂိုဒေါင် အပြည့် သိုလှောင်ထားမယ်။ ကော်ဖီမစ်ကို တစ်နှစ်စာ လှောင်ထားမယ်လို့ စိတ်ကူး ယဉ်တဲ့ လူမျိုးတွေ မရှိပါဘူး။ ခြံဝယ်မယ်၊ ကားဝယ်မယ် ဆိုပြီး တာစူ နေကြတဲ့သူတွေ။ မရှိသုံးတွေက တကယ်တမ်းကျ အမြဲ မလို အပ်ပါဘူး လို့ထင်နေကြတယ်။ ဒါပေမယ့် ဘဝနဲ့ ယှဉ်ရင် အချိန် အတိုင်း အတာ တစ်ခုမှာ မရှိမဖြစ် လိုအပ်နေပါတယ်။

အိမ်မှာ ဘာမှ စားစရာ မရှိရင် ဒီခေါက်ဆွဲ ခြောက်လေးက ဗိုက်ပြည့် ဝမ်းဝစေပါတယ်။ အဲလို ဝမ်းဝသွားတဲ့ အခါကျတော့ ဒီခေါက်ဆွဲလေးက ကောင်းတယ်၊ အဆာပြေတယ်၊ အမြဲတမ်းဆောင်ထားသင့်တယ် ဆိုပြိး စိတ်ကူးတော့ ဖြစ်တတ်ကြပါတယ်။ နောက်နေ့ကျတော့ ဒီခေါက်ဆွဲခြောက်က မလိုအပ်ပြန်ဘူး။ ခဏတာ မေ့ထားလိုက်ကြပြန်တယ်။ ဘာမှ စားစရာ မရှိမှသာ ခေါက်ဆွဲခြောက်ကို ပြန်တမ်းတ တတ်ကြပြန်တယ်။

လူတွေရဲ့ အကျင့်အတိုင်း မရတာကို လိုချင်တတ်ကြ၊ တောင့်တတတ်ကြတယ်။ မရသေးတာ တစ်ခု ကို တန်ဖိုးထားတတ်ပြီး ရနေတာ၊ ရှိနေတာကို တန်ဖိုးထားဖို့ မေ့နေတတ်ကြပြန်တယ်။ ဒါပေမယ့် ဒီလို ရှိသင့်တာကို ရှိလာဖို့ အတွက် ဇိမ်ခံကားတွေ၊ ရွှေတွေ ဝယ်နိုင်ဖို့ အတွက် မရှိသုံး ပစ္စည်းတွေ ဖြစ်တဲ့ ခေါက်ဆွဲခြောက်လို ဈေးပေါ လွယ်ကူ သက်သာတာကို စားပြီး လိုချင်တာကို ရယူပိုင်ဆိုင်ဖို့ ကြိုးစားခဲ့ကြ ပြန်တယ် မဟုတ်လား။( သဘောဖြစ်သာ ပြောပါတယ်။ လူတိုင်းက ခေါက်ဆွဲခြောက်စားရတယ် မဆိုလိုပါဘူး။) အနီးစပ်ဆုံး ဥပမာ ပါ။

လိုချင်တာ ရသွားရင်တော့ မရှိသုံးလေးတွေကို မေ့တတ်ကြ၊ ဥပေက္ခာပြုတတ်ကြပါတယ်။
နေ့တိုင်းစားနေရလို့ ကြိုက်လှ ပါတယ်၊ စားတာ နေသားကျနေပါပြီးဆိုတဲ့ ခေါက်ဆွဲခြောက်တွေဘဝက လိုချင်တာရပြီးရင် ခေါက်ဆွဲခြောက်ညတွေက ဟိုတယ်စာ ညတွေအောက်မှာ ကြက်ပျောက်၊ငှက်ပျောက် ပျောက်သွားကြပြန်တယ်။ ဟိုတယ်စာတွေ ညည်းငွေ့လာတဲ့အခါကျ မရှိသုံး ခေါက်ဆွဲတွေကို သတိရတတ်ကြပြန်တယ်။ ခေါက်ဆွဲခြောက်တွေ အသစ်တဖန် အသက်ဝင်လာတတ်ကြပြန်တယ်။ ဒါကလဲ လူ့စိတ်၊ လူသဘော သဘာဝ ဆိုတော့ ဒီလိုပဲ လည်ပတ်နေရတာပဲလေ။

ကျနော်ကိုယ်တိုင်ကတော့ မရှိသုံး ကုန်ပစ္စည်းနဲ့ ဇိမ်ခံပစ္စည်းတွေကို ယှဉ်ရင် မရှိသုံး ဖြစ်ရတာကို သဘောကျတယ်။ ဇိမ်ခံပစ္စည်းဆိုတာ လူတိုင်းအတွက် ဆိုင်သာဆိုင် မပိုင်ရတာမျိုး ကြီးပါ။ မရှိသုံးကျတော့ ပိုင်ချင် ဆိုင်ချင်ရင် လက်တွေ့ကျကျ ဝယ်ယူ လွယ်ကူတတ်ပါတယ်။ တစ်စုံ တစ်ယောက် လိုအပ်နေချိန်မှာ လျှပ်တပျက်အတွင်း ဖြည့်ဆည်းပေးနိုင်တယ်။ အဓိက ကတော့ ကိုယ်က တခြားလူ အတွက် မရှိသုံး အဖြစ် အဆင့်သင့် ရှိနေဖို့ပါ။ လိုအပ်ရင် သုံးမယ်။ မလိုအပ်တော့ရင် မေ့သွားမယ်ပေါ့။ ဒါပေမယ့် လိုအပ်နေတဲ့ အချိန် အတိုင်းအတာ တစ်ခုမှ အတတ်နိုင်ဆုံး ဖြည့်စွမ်း ပေးနိုင်ရင်သာ အဲဒီခဏတာ အတွက် သူတို့ဆီက မရှိသုံး အပေါ် အသိအမှတ် ပြုသွားရင် ၊ လိုအပ်တတ်မှန်းသိသွားရင် ကျေနပ်နိုင်ပါတယ်။

လူတိုင်း အတွက် မရှိမဖြစ်ဆိုပေမယ့် ရှိသင့်တယ်၊ မရှိရင်လည်း ဖြစ်တဲ့ ဇိမ်ခံ ပစ္စည်းတွေလိုတော့ မိုးထိလုဆီ မာန်တက်ပြီး မနေချင်ဘူး။ အပေါ်စီးကနေ ခေါင်းငုံ့ ပြီး မပြုံးပြချင်ပါဘူး။ ဇိမ်ခံပစ္စည်းတွေကို ရောင်းချတဲ့သူတွေက သူတို့ ပစ္စည်းကို ဝယ်နိုင်ဖို့အတွက် လူတွေအမြဲတမ်း ဇောတိက လို ချမ်းသာဖို့ ဆုတောင်းနေကြရမှာ၊ စိုးရိမ်ပူပန်နေကြရမှာလေ။

မရှိသုံးကျတော့ မပူရဘူး။ ပစ္စည်းကိုသာ ဖြည့်ထားလိုက်။ သူတို့လိုအပ်တဲ့အချိန်အတိုင်းအတာ တစ်ခုထိ စောင့်။ သူတို့ အရမ်းတောင်းတတာကို ခဏလေးအတွင်းမှာ ဖြည့်စွမ်းပေးနိုင်ခဲ့ရင်၊ ခဏတာ စိတ်ချမ်းသာသွားရင် ကျေနပ်နိုင်နေပါပြီ။
ကျနော်ကိုယ်တိုင် ဘဝမှာ မရှိသုံး ဖြစ်ခွင့်ရခဲ့တာ များနေပါပြီ။ နေသားလဲ ကျနေပါပြီ။မရှိသုံး ဖြစ်ခွင့်ရတာကိုလဲ ကျေနပ်ပါတယ်။ အမြဲတမ်းလဲ သူတပါးအတွက် မရှိမဖြစ် ထက် မရှိသုံးပဲ ဖြစ်ချင်ပါတယ်။

လူတိုင်းလဲ မရှိသုံး ဘဝလေးတွေကို တန်ဖိုးထားတတ်ပြီး မရှိသုံး ဖြစ်ခွင့်တွေ ရနိုင်ကြပါစေ။ တကယ်တမ်းတော့ မရှိသုံး ဆိုတာ အချိန်အတိုင်းအတာ တစ်ခုမှာ မရှိ မဖြစ်လိုအပ်နေတာ တစ်ခုပါ။

ချစ်ခင်လေးစားစွာဖြင့်

ဖိုးစိန်