Sunday, 13 November 2011

အိပ်မရခြင်းများ

ခုရက်ပိုင်းအတွင်း စိတ်တွေ အရမ်းလှုပ်ရှားတယ်။ တနေကုန်တွေးတယ်။ ညအိပ်လဲ အိပ်မက်တွေမက်တယ်။ အိပ်မက်ထဲမှာ ခရီးတွေထွက်တယ်။ မရောက်ဖူးတဲ့ နေရာတွေသွားတယ်။ ကိုယ်မကြားဖူးတဲ့ စကားတွေ ကြားရတယ်။ မိုးလင်းတော့လဲ တွေးရင်း အလုပ်သွား၊ အလုပ်နားတဲ့ အချိန်တွေးတယ်။ လမ်းမှာလဲ ဖုန်းလေးနဲ့ ဂူဂယ်တယ်။ ရှာတယ် ဖွေတယ်။ မေးတယ်။ မြန်းတယ်။ နေ့နဲ့ ညနဲ့ ညနဲ့ နေ့နဲ့ စိတ်မအား စိတ်မနားရပါဘူး။

အဓိက အကြောင်းအရင်းက ကိုယ့်မိဘတွေ ဒီကိုလာမှာဖြစ်လို့ပဲ။ တခြားလူတွေ အတွက်တော့ မသိဘူး။ တခြားလူတွေ သူတို့ မိဘတွေကို ခေါ်တုန်းကတော့ ဘယ်လို နေမလဲ မသိဘူး။ ကိုယ်ကတော့ ရင်ခုန်တယ်။ ဒီကိုရောက်လာရင် သူတို့ကို ဘယ်လိုထား၊ ဘယ်ကိုပို့ ရမလဲ ဆိုတာ အမြဲတွေးတယ်။ ခေါ်မယ်လို့ လုပ်ပြီးတဲ့ အချိန်က စပြီး ခေါင်းထဲမှာ ဘယ်ကိုခေါ်သွားမလဲ။ ဘာလုပ်ရမလဲ ဆိုတာ မျိုး အမြဲတွေးတယ်။ သူတို့ကိုဘယ်လို ပျော်နိုင်ထားရမလဲ ဆိုတာတွေးတယ်။ ရောက်နေတဲ့ ခဏလေးမှာ သားကို စိတ်ကောက် စိတ်ဆိုးပြီး မပြန်သွားစေချင်ဘူး။ သူတို့ မရောက်ဘူးတဲ့ နေရာတွေ လိုက်ပို့ပေးချင်တယ်။ ကိုယ်က ဒေါသကြီး စိတ်ဆတ်၊ ခေါင်းကိုက်ရင် စိတ်က မထိန်းနိုင် ဘူး ဆိုတာ မိဘတွေ က နားလည်ထားပေးမယ့် သူတို့ ရှိနေတဲ့ အချိန် သူတို့ စိတ်မကောင်း ဖြစ်မယ့် စကား မျိုး ၊ ဒေါသထွက်မိတာမျိုး မဖြစ်ဖို့ ခုကတည်းက လေ့ကျင့်ရတယ်။ စိတ်မကောင်း ဖြစ်ပြီး ပြန်သွားရင် အကုန်လုံးက သဲထဲရေသွန်။ ကိုယ့် လဲ နောင်တ ရလို့ ဆုံးမှာ မဟုတ်။ ခေါင်းမကိုက်၊ ဒေါသမထွက်ဖို့ ဆုတောင်းတယ်။ မဖြစ်နိုင်ပေမယ့် ဒီလိုမျိုးက အစ ကြိုတွေ မိတယ်။ စိတ်မောတယ်။

ကိုယ့် အမေက တောသူမ၊ အဖေက ဆင်းရဲသား ဘ၀ကနေတက်လာတဲ့သူဆိုတော့ အင်္ဂလိပ်စကား ကို Yes No ခေါင်းညိတ်ပဲ တတ်လိမ့်မယ်။ ခရီးစဉ်တလျှောက်လုံး ကိုယ့် အမ ပြာပြာ လိုက်ပါ အကုန်စီစဉ်ထားပေမယ့် ငါ့အမေကိုများ တယောက်ယောက် က အင်္ဂလိပ်လို မေးလိုက်ရင် ကြောက်ပြီး မျက်ရည်ဝဲ သွားမလား၊ မတော်လို့ ငါ့အဖေကို မေးရင် သူမျက်နှာငယ်သွားမလား...တွေးမိတယ်။ ကိုယ်ကိုယ်တိုင် သွားမကြိုနိုင်ဘူး။ အလုပ်တွေက ပိနေတုန်း။ ဒါပေမယ့် သူတို့ အဆင်ပြေနိုင်ပါတယ် စဉ်းစားပြီး စိတ်ဖြေတယ်။ စိန်ရယ် ဖြစ်သွားမှာပါလို့ မမပြာ ပြောပေမယ့် စိတ်ထဲ စိုးရိမ်စိတ်က အလိုလို ၀င်တာပါပဲ။

ဒီနှစ် နှစ်လပိုင်းက မြန်မာပြည်ပြန်လည်တုန်းက အမေ့ကို စကာင်္ပူ ခေါ်လည်မယ် ပြောလိုက်တော့ အမေက နေ့ရော ညရော အနောက်တကောက်ကောက်လိုက်ပြီး သားပြောတာ သေချာလား၊ အမေတို့ကို ခေါ်မှာလား၊ အမေတို့က တကယ်သွားရမှာလားဆိုတာ.. သတိရတိုင်းမေးတော့တာပဲ။ ပြီးတော့ သူတို့ကို အိပ်မက်ပေးပြီး ဆိုက်ပရပ်စ် ပြန်သွားမှာကိုက စိုးရိမ်သေးတယ်။ သူတို့သားဆိုတော့ စိတ်မထင်ရင် မထင်တဲ့နေရာမှာ စတည်းချတတ်တဲ့ အကျင့်ကို သိပြီးသား။ အမေကတော့ ကိုယ်ပြောထားတဲ့ စကား တခွန်းနဲ့ ကိုယ်မခေါ်မချင်း နေ့နေ့ ညည လည်တဆန့်ဆန့် နဲ့ ကိုယ့်ခေါ်မိန့်ကို စောင့်နေမယ်ဆိုတာ ကိုယ့်ရင်ထဲက သိပြီးသား။

ကိုယ့်အဖေကတော့ ကိုယ်စကာင်္ပူကို ခေါ်လည်မယ်ပြောတော့ ဘာမပြော ညာမပြောပဲ ဆိုင်ကယ်နဲ့ အပြင်ထွက်သွားတယ်။ ကိုယ်စိတ်မကောင်း ဖြစ်သွားတယ်။ ကိုယ့်အဖေ လုံးဝ စိတ်မ၀င်စားဘူးပေါ့။ ကိုယ်က ခေါ်မယ်ဆိုပြီး မခေါ်ဖြစ်ဘူးဆိုတဲ့ စိတ်ဝင်နေလို့လားပေါ့။ ကိုယ် စိတ်မကောင်း ဖြစ်သွားတယ်။ ညနေစောင်း ပြန်လာတော့ အားရ၀မ်းသားပဲ သားစိန်.. အဖေစုံစမ်းပြီးသွားပြီး.. ဒီကနေ စကာင်္ပူကို သဘောင်္နဲ့ သွားလို့ရတယ်။ မင်တို့ ငါ့ပတ်စပိုစ့်ယူသွား ငါ့ကိုစကာင်္ပူ သဘောင်္ဆိပ်ကနေစောင့်တဲ့။ ကိုယ်ကလဲ ဘာဖြစ်လို့လဲ လို့ သေချာမေးတော့ မှ အဖေက လေယာဉ်ပျံ ကြီး စီးရမှာ ကြောက်သတဲ့။ အဖေရယ် အဖေ့ကိုယ်လုံးကြီးမှ အားမနာ. အသည်းငယ်တတ်လိုက်တာ...။ အမေကတော့ အောင်နိုင်သူ အပြုံးနဲ့ ဟားးဟားး ညီမတောင် စီးရဲ သေးတာ အကိုက ငကြောက်လုပ်နေတယ် ဆိုပြီး အဖေ့ကိုတောင် မျက်စပစ် စနေတာ။ မျက်စိထဲမှာ အဖေ အားရ၀မ်းသာနဲ့ သဘောင်္စီးမယ် ဆိုတဲ့ ပုံစံကို ခုထိ မျက်စိထဲ မြင်ယောင်တုန်း။

ခုချိန်မှာတော့ အဖေရော အမေပါ ပျော်နေကြမယ်ထင်ရဲ့ ။ ကိုယ် သူတို့ အတွက် ပတ်စပိုစ့် လုပ်ပြီးကတည်းက အမေကို ဖုန်းဆက်တော့ သူ့ ယောကျားအကြောင်းကို အတင်းအုပ်သေးတယ်။ ညည်းအဖေက ပတ်စပိုစ့် ရတာနဲ့ သူယူသွားမယ် အကျီတွေ စုနေပြီးတဲ့။ ကိုယ်က ဒါဆို အမေက မထည့်သေးဘူးလားမေးတော့...အိုး.... သားခေါ်မယ် ပြောထားကတည်းက အမေအထုတ်က ခရီးထွက်ဖို့ အဆင်သင့် ဆိုပဲ...။ ခုလောက်ဆို အမေရော အဖေပါ စိတ်လှုပ်ရှာနေရောပေါ့။ ကိုယ်တိုင်တောင် ပထမဆုံး နိုင်ငံခြားထွက်တုန်းက ဒီလောက်စိတ်လှုပ်ရှားနေရင် ရန်ကုန်မြို့တောင် အသစ်အဆန်းဖြစ်နေတဲ့ သူတို့ အဖို့ ပိုပြီးစိတ်လှုပ်ရှားမှာပဲ။

ကိုယ်လဲ စိတ်လှုပ်ရှားတာပဲ.။ ခရီးစဉ်တလျှောက်လုံးမှာ မမပြာ ပါလာပေမယ့် အဖေနဲ့ အမေ ဘယ်လို အလွဲလွဲ အချော်ချော် ဖြစ်နိုင်မလဲ၊ ဒီရောက်ရင် ဘာတွေ လွဲနိုင်မလဲ ဆိုတာ စဉ်းစားရင်း တွေးပျော်သလို ရင်လဲခုန်ရဲ့ ..။ ကိုယ့်မိဘတွေ မျက်နှာကို မြင်ရဦးမှာ ဖြစ်တဲ့ အတွက်လည်း ကြည်နူးမိပါရဲ့ ။

ဘာပဲ ဖြစ်ဖြစ် အစစအရာရာ အဆင်ပြေပါစေလို့ ဆုတောင်းနေပါတယ်။ ညညလဲ အိပ်မပျော်ပါဘူး။ သူတို့ ရောက်မှပဲ စိတ်အေးရမယ်။ နောက်မဟုတ်ရင် နေ့တိုင်း သွားလဲ ဒီစိတ်၊ စားလဲ ဒီစိတ်..။

ဒီလိုနဲ့ပဲ ကိုယ်လဲ စကာင်္ပူရောက်တာ ဒီဇင်ဘာဆို နှစ်နှစ် ပြည့်ပါပြီး။ အလည်သဘောနဲ့ လာလိုက်တာ. အလုပ်ကောင်း အကိုင်ကောင်း အပေါင်းအသင်းကောင်းတွေ တွေ့ပြီး တရွာတကျီ ဆောက်ဖြစ်ခဲ့တယ်။ ကိုယ်နှစ်နှစ် ပြည့်တဲ့ အချိန်မှာ ကိုယ်ချစ်တဲ့ မိဘနဲ့အတူ ကိုယ်ချစ်တဲ့ ညီအကို မောင်နှမတွေ စုံစုံ ညီညီ ပြန်တွေ့ရမှာ ဖြစ်တဲ့ အတွက်လည်း ပိုစိတ်လှုပ်ရှားပါတယ်။ မကြာခင် အိမ်ရဲ့  BBC ကောင်းကင်ပြာ ပြန်လာတော့မယ်။ ပြီးတော့ ကိုယ်ချစ်တဲ့ ပေါက်ပေါက်လဲ ပြန်လာတော့မယ်။ ကိုယ်ချစ်တဲ့သူတွေကို တနေရာတည်းမှာ တချိန်တည်း ပြန်တွေ့ ရတော့မယ်။ အတွေးနဲ့တင် ပျော်မိတယ်။ စိတ်လှုပ်ရှားတယ်။ အကြောင်းအရင်းခံတော့ ညညက အိပ်မရဘူး။ အနားမှာ ချစ်သူလေးရှိရင်တော့ သူချော့သိပ့်မှာပဲ (ဟမ်.. ဘာမှလဲ မဆိုင်ဘူး :D)

ဒီဇင်ဘာမှာ ကိုယ် အရမ်းချစ် အရမ်းလေးစား လို့ ကိုယ့် bully လုပ်လုပ်မိတဲ့ ကိုယ့်ချစ်အမနှစ်ယောက်မွေးနေ့ရှိတယ်။ ကိုယ့်အတွက် နွေးထွေးမယ့် ဒီဇင်ဘာ တခုဖြစ်မယ်။

ချစ်ခင်လေးစားစွာဖြင့်

ဖိုးစိန်

8 comments:

မအိမ်သူ said...

အဖေ အမေ မောင်နှမတွေလာမှာမို့ ဖိုးစိန်လေး အရမ်းပျော်ပြီး စိတ်တွေလဲ အရမ်းလှုပ်ရှားနေတယ်ထင်တယ်။ အရမ်းလဲ ၀မ်းသာနေမယ်ဆိုတာ သေချာပါတယ်။ ဟိုဟာ ဒီဟာတွေ ကြိုတွေးပြီး သိပ်တော့ စိတ်မပူပါနဲ့ ဖိုးစိန်ရေ။ အချိန်တန်တော့လဲ သူ့ဟာသူ အားလုံးအဆင်ပြေသွားမှာပါ။ စိတ်အေးအေး ခေါင်းအေးအေးနဲ့သာ မိဘမောင်နှမတွေနဲ့ ပျော်ပျော်ရွှင်ရွှင်တွေ့ဖို့ပဲ စဉ်းစားထားပေါ့။ သိပ်ပြီး စိုးရိမ်ပူပန်လွန်းရင်လဲ ကိုယ့်စိုးရိမ်စိတ်ကြောင့် အဆင်မပြေတာတွေ ပိုဖြစ်တတ်တယ်။ အရာရာကို ခေါင်းအေးအေးလေးနဲ့ အပူအပင်ကင်းကင်း သက်တောင့်သက်သာလေးပဲ ရင်ဆိုင်လိုက်ပါ။ အဖေ အမေတွေလဲ ဖိုးစိန်နဲ့တွေ့ဖို့ ကြိုတွေးပြီး ပျော်နေကြမှာပဲ။ ကမ္ဘောဒီးယားလာမယ်ဆို လိုအပ်တာ အမကိုကြိုပြောထားလေ။ ဒီအချိန်က ဒီမှာ တိုးရစ်ရာသီဆိုတော့ ဟိုတယ်တို့ဘာတို့ကို ကြိုလုပ်ထားတာ ပိုအဆင်ပြေတယ်။ ဖိုးစိန် သိချင်တာရှိရင် ဖေ့ဘွတ်မှာ မက်ဆေ့ပို့ထားလိုက်နော်။ အမက မေးလ်ကိုသိပ်စစ်လေ့စစ်ထ မရှိလို့.. :D ဖေ့ဘွတ်က ပိုသေချာတယ်။း))

MGTHANT said...

ခါတိုင်းလို ပျော်စရာ ရီစရာ အတွေ့အကြုံ ပိုစ့်တွေ မျှော်နေမယ်...

Anonymous said...

ပျော်စရာကြီး၊အပျော်တွေ ကူးစက်သွားပြီ။

Anonymous said...

bring them to Malay and indonesia also......

Anonymous said...

ကိုဖိုးစိန်တစ်ယောက် ပျော်နေတယ်ပေါ့။ ပျော်ပျော်ရွှင်ရွှင်နဲ့ လည်ပတ်ကြမဲ့ မိသားစုကြီးကို လိုက်ပျော်ပေးသွားတယ်နော့

မငုံ

Anonymous said...

ဖတ်ပြီး အရမ်းကိုကြည်နူးမိပါတယ်။ မိဘတွေကို ဒီလောက်အလေးထားလို့လဲ အလုပ်ကောင်း၊ သူငယ်ချင်းကောင်းတွေ ရတာနေမှာပါ။ (ကျနော်လဲ ချစ်သူကို ဧပြီလအလည်ခေါ်ထားလို့ ကိုဖိုးစိန်လိုမျိုးပဲ ဘယ်ကိုပို့ရမလဲ၊ ဘာတွေလိုက်ကျွေးရမလဲ လျှောက်တွေးနေမိတယ်။)
ပျော်စရာကြီးဗျာနော်...........
(လီယို)

မေသိမ့်သိမ့် ကျော် said...

မိဘတွေကို ခေါ်လည်ရတာ သူတို့လည်းပျော် ကိုယ်လည်းပျော်ပေါ့။ သိပ်ကို ဝမ်းသာစိတ်လှုပ်ရှားစရာကောင်းတယ်နော်။ ကိုယ်ချင်းစာတယ်။

မဒမ်ကိုး said...

ကိုဖိုးစိန်ရဲ့ဘလော့ကိုခုမှရောက်ဖူးတာပါ
ရောက်တဲ့အချိန်မှာပဲ ပျော်ရွှင်စရာမင်္ဂလာသတင်းလေး ကြားလိုက်ရလို့ ကြည်နူးမိပါတယ်
မိသားစုတွေပျော်ရွှင်စွာပြန်လည်ဆုံဆည်းနိုင်ကြပါစေ

ခင်မင်လျှက်