ကျနော့် မေမေ နဲ့ အေရိုးဗစ်

အခုတလော အိမ်ကို ဖုန်းဆက်တိုင်းမှာ မေမေနဲ့ လွဲလွဲနေတယ်။ စကားပြော ဖြစ်ရင် ဖေဖေနဲ့ပေါ့။ ဒါကြောင့် ဖေဖေနဲ့ ပြောတိုင်း မေမေ့ အကြောင်းကို ဖေဖေက ဖောက်သည်ချတယ်။ မနက်ဆက်၊ ညဆက် မေမေနဲ့ အမြဲလွဲတော့ စိတ်က တခါတလေ မရှည်ဘူး။ ကျနော်ဆက်တဲ့ အချိန်ကို မေမေ့ကို အိမ်မှာရှိစေချင်တာ။ ဘယ်တွေသွားနေလဲ မေးတော့ ဖေဖေက သားမေမေက အခု အပျိုပြန်ဖြစ်နေတယ်တဲ့။ ကျနော် က ဟင်ကနဲ ဖြစ်တော့မှ ဖေဖေက သား အမေ အေရိုးဗစ် သွားကစားလို့ ဘော်ဒီလေးလှလာလိုက်တာ ခုဆို အပျိုလေး အတိုင်းပဲတဲ့။ ကျနော်မရယ်ပဲ မနေနိုင်ပါဘူး။

အမြဲတမ်း မကျန်းမာတဲ့ မေမေက ကျန်းမာရေးလိုက်စားသလို အစားအသောက်လဲ ရှောင်ပါတယ်။ ဆီများတဲ့ဟင်းတွေ၊ အကြော်တွေ မစားဘူး။ အသားငါး ဆိုလဲ ကြက်သားနဲ့ ငါးပုတ်သင်က လွဲပြီး စားတဲ့ အသား ရှားတယ်။ အရင်ကတော့ အားကစား ပုံမှန်မလုပ်ဖြစ်ပေမယ့် အခုတော့ အေရိုးဗစ် သင်တန်းတက်နေတယ်တဲ့။ အခုဆိုရင် (၆) လ (၇) လလောက်တောင်ရှိတော့မယ်။

မေမေက အလှကြိုက်တယ်။ မိုးလင်းရင် ရေချိုး၊ မျက်နှာပေါ်မှာ မိတ်ကပ်တင် နှုတ်ခမ်းနီဆိုး မျက်ခုံးမွှေး ဆွဲပြီးမှ ဈေးသွားတယ်။ ဘယ်ပဲ သွားသွား ကျော့လို့ မော့လို့။ နေမကောင်းဘယ်လောက်ပဲ ဖြစ်နေနေ နှုတ်ခမ်းနီ ဆိုးမပျက်ခဲ့ဘူး။ တခါ ဆေးရုံတက်ရတယ်။ သတိမေ့သွားတယ်။ သုံးရက်လောက်။ ပြန်သတိရချင်းချင်း အနားမှာ လူနာစောင့်တဲ့ သူဆီက ဘာတောင်းသလဲ ထင်လဲ။ ရေမတောင်းသောက်ဘူး။ နှုတ်ခမ်းနီ နဲ့ မျက်ခုံးမွှေး ဆွဲတံ။ သတိရလို့ ဆရာဝန်လာကြည့်ရင် မေမေ့ မျက်နှာ မျက်နှာပြောင်ကြီး ဖြစ်နေမှာစိုးလို့တဲ့လေ။ (ကျနော်ပြန်စဉ်းစားတယ်။ ကျနော်က အမေတူသားများလားလို့)။

အခုနောက်ပိုင်း ကျနော်နိုင်ငံခြားထွက်ပြီးကတည်းက မေမေ ကျန်းမာရေးပြန်ကောင်းလာတယ်။ (ဟုတ်လောက်တယ်။ ကျနော် မရှိတော့ တော်တော်လေး အသက်ရှု ချောင်ကြမှာပေါ့လေ။)။ ကျန်းမာရေးလည်း လိုက်စားတယ်လေ။ ဖေဖေက ပြောပါတယ်။ ကိုယ့် ငါးချဉ်မို့ ကိုယ် ချဉ်တာ မဟုတ်ပါဘူးတဲ့။ မေမေတို့ အေရိုးဗစ် သင်တန်းမှာ မေမေက အမိုက်ဆုံး၊ အလှဆုံးတဲ့။ လန်းနေတာပဲတဲ့။ ပြောပုံက တကယ့်ကို ခေတ်သုံးစကားတွေ။ တကယ်တော့ အဲဒီသင်တန်းမှာ မေမေက အသက်အကြီးဆုံးလို့တောင် ပြောလို့ရတယ်။ သင်တန်းဆရာမက ညီမလေး မလျှံရဲ့ သူငယ်ချင်းအမမို့လို့ မေမေ တက်ချင်တဲ့ အတန်းကိုပေးတက်ထားတယ်။ မေမေကို ကြည့်ရတာ ပျော်တဲ့ပုံရပါတယ်။ စကားလဲ ပြောရ၊( အတင်းလဲ အုပ်ချင် အုပ်မှာပေါ့)၊ ကျန်းမာရေးလဲ လိုက်စားရဆိုတော့ မေမေက ကစားရင်တက်ကြွနေတာပဲ။ မလျှံက လည်း အတင်းပြောပါတယ်။ မေမေကစားတာကို ဖေဖေက မေမေ မသိအောင် လာလာခိုး ချောင်းတယ်တဲ့။ သဘောတွေကျပြီး ပြန်တယ်တဲ့။ သူတို့ခမျာ သမီးရည်းစားကျနေတာပဲ။ သားသမီး မသိအောင်၊ မိန်းမ မသိအောင် ဖေဖေက နောက်ကလိုက်ချောင်းရတယ်လို့။

အရင်က အေရိုးဗစ် သင်တန်းသွားရင် ဖေဖေက မေမေကို လိုက်ပို့ လိုက်ကြိုရတယ်။ အခုနောက်ပိုင်း မေမေက ဖေဖေထက် ဦးအောင်ထ၊ ရေချိုး၊ အလှပြင်ပြီးရင် ဘောင်းဘီ တိုဝတ် ဦးထုတ်ဆောင်းပြီး သော့ကလေး တရမ်းရမ်း ဖင်လေးလှုပ်လှုပ် ဆံပင်လေး ခါခါနဲ့ ကားကို ဖေဖေ့ထက် ဦးအောင် ယူမောင်းသွားတယ်ဆိုပဲ။ ဖေဖေ့ ခမျာ အလုပ်သွားရင် ဆိုင်ကယ်လေးနဲ့ သွားပြီး မိန်းမကို လိုက်ချောင်းရတဲ့ ဘဝ ရောက်သွားတယ်။ ပြန်လာရင် နောက်ကျတယ်တဲ့။ ဘယ်သွားလဲလို့ ဖေဖေက မေးရင်း မေမေက ဝင်းဒိုး ရှော့ပင် ဒါလင် တဲ့။ (မလျှံက အပြတ်ကို သင်ထားပေးတာ)။ အင်္ဂလိပ်စာလဲ သင်နေတယ်။ ကွန်ပြူတာလဲ တော်တော် သုံးတတ်နေပြီး။ အရင်လို မလျှံ လာပါဦး။ အငယ်ကောင် လာပါဦး ပြပါဦး။ ဘယ်ခလုတ်က ဘာ ဆိုတာမျိုး မဟုတ်တော့ဘူးတဲ့။ အနာဂတ် အတွက် အရမ်းကို တက်ကြွ နေတဲ့ အမျိုးသမီးကောင်းလို့ ဖေဖေက ပြောရင် မေမေ က စိတ်ကောက်ချင်ပါသေးတယ်။

ဘာဖြစ်ဖြစ် ဖေဖေနဲ့ မေမေရဲ့ တနေ့တာ လှုပ်ရှားဟန်တွေကို အိမ်မပြန်ပဲ အဝေးကနေ ခိုးချောင်းပြီး ကြည့်ချင်တယ်။ ဖေဖေနဲ့ မေမေ အိမ်မှာ တနေ့တာ ဘယ်လို စခန်းသွားနေလဲ ဆိုတာကို အဝေးကနေမြင်ချင်နေမိတယ်။

ခုချိန် မိဘ နှစ်ပါးလုံး ကျန်းမာနေတာကိုပဲ ကျေနပ်ပီတိ ဖြစ်မိပါတယ်။


ချစ်ခင်လေးစားစွာဖြင့်


ဖိုးစိန်