အချစ်ပါရမီ

မျက်စိကိုမှိတ် အသက်ကိုအောက်ပြီး နေရာတစ်ရပ်စာရဖို့ ပါရမီကားပေါ်ကို အတင်းတိုးတက်ရတဲ့ အလေ့အကျင့်ကို ကျွန်မအနေနဲ့ အခုဆို တော်တော်ကျင့်သားရနေပါပြီး. တက္ကသိုလ် စတက်ကတည်းကပင် သူငယ်ချင်းများနှင့် ပါရမီကားကို တိုးဝှေ့စောင့်စီးရတာကို ပျော်ခဲ့သည်မှာ အခုတက္ကသိုလ်မှာ ဆရာမပြန်လုပ်နေချိန်အထိပင်... အခုလည်း ကားပေါ်ကို တွန်းရင်း... တိုက်ရင်းနဲ့ အလိုလို ကားနောက်ပိုင်းကို ရောက်ခဲ့ရသည်

ကျောင်းဆင်းချိန် ရုံးဆင်းချိန် ဖြစ်သောကြောင့် ထိုင်ခုံရဖို့ မမျှော်လင့်ပါ... ရုတ်တရက် ကျွန်မရင်နှီးနေတဲ့ အနံ့အသက်တစ်ခုကို ရလိုက်တော့ ကျွန်မ ပြောမပြ တတ်လောက်အောင် ရင်တွေ ခုန်သွားတာ အမှန်ပင်.. ဟိုဟိုဒီဒီ ရှာပေမယ့် လူတွေ ပိတ်ကျပ်နေတဲ့အတွက် ဘာမှမမြင်...

သေချာတယ်.. ဒါသူ့ရဲ့ရေမွှေးအနံ့.. ကျွန်မတော်တော် ခုန်မင်စွဲလမ်းရတဲ့ သူ့ရဲ့ပင်ကိုအနံ့... နှစ်နှစ်ကျော် သုံးနှစ်နီးပါး ကျွန်မအနားမှ ပျောက်သွားသော သူ့အငွေ့ကို ကျွန်မသိတယ်.. သူအခုဒီကားမှာ ပါလာတာ ကျိန်းသေတယ်.. သူနဲ့ကျွန်မ စတွေ့တာလဲ ဒီပါရမီကားပေါ်မှာ...

အဲဒီနေ့က သူငယ်ချင်းတစ်ယောက်နဲ့ စိတ်ကောက်ပြီး အဖော်မပါဘဲ ကားစီးတာ အနံ့အသက်တစ်ခုကြောင့် သူကို သတိထားမိတာလေ သူက ထိုင်ခုံရလို့ အငြိမ့်သားနဲ့.. သူ့အရှေ့မှာ ရပ်မိတဲ့ ကျွန်မကို ပြုံးတောင်မပြုံးသူ့က ရှပ်လက်ရှည်အဖြူ ကချင်ပုဆိုးနဲ့ဆိုတော့ ကျောင်းသားတော့မဖြစ်နိုင်..ဆရာလို့ပြောရအောင်လဲ ရုပ်ရည်က တက္ကသိုလ်ဆရာပုံမပေါက် သူကိုင်ထားတဲ့ဖိုင်တွဲမှာသူ့နာမည်လို့ထင်ရတဲ့ နာမည်အတိုကောက် (N A) သူကိုယ် လှမ်းကြည့်တော့ ဘယ်သူမျက်နှာမှ မကြည့်ချင် မမြင်ချင်တဲ့ ခပ်တည်တည်မျက်နှာ. ဘယ်လိုဘဲဖြစ်ဖြစ် သူကိုဒီပုံစံလေးနဲ့ စွဲလမ်းခဲ့တာပါ....နောက်နေ့တွေမှာလဲ ကျွန်မစီးတဲ့ ကားပေါ်ပါပါလာတယ်....

ဒီလိုနဲ့ ကျွန်မတို့ မျက်လုံးချင်း ရင်နှီး.. ပြီးတော့ ချစ်သူတွေ ဖြစ်ခဲ့ကြတယ်...နာမည်နဲ့ လိုက်အောင် တည်ငြိမ်အေးဆေးလွန်းတဲ့ ကိုငြိမ်းအေးနဲ့ ကျွန်မက တခြားစီ... ကျွန်မက ပတ်ဝန်းကျင်ကို ဂရုမစိုက်သလောက် “ကို”က ပတ်ဝန်းကျင်ကို သူ့မိဘလို လေးစားသူ အရာရာကို ဒေါသရှေ့ထားပြီး လုပ်တတ်တဲ့ ကျွန်မကို ပညာတတ်နည်းနဲ့ ဥပေက္ခာပြုတတ်သူ... ကျွန်မ“ကို့”ကိုအရမ်းချစ်သော်လည်း သူကျွန်မကိုချစ်မချစ်ကျွန်မ မသိရလောက်အောင် နေတတ်သူ... အလိုလိုက်ဖို့ ချော့ဖို့ မဆိုထားနဲ့ ကျွန်မလုပ်မိခဲ့သော အမှားတစ်ခုခုကို အမြဲ ထောက်ပြတတ်သူ. ယုတ်စွအဆုံး ပါရမီကားပေါ်မှာ သူကနေရာရထားရင် ပတ်ဝန်းကျင်က ပြောမှာကြောက်ပြီး ချစ်သူဖြစ်တဲ့ ကျွန်မကို နေရာမဖယ်ပေးတတ်သူ အဖြူနဲ့အမဲ လိုဖြစ်နေတဲ့ ကျွန်မတို့နှစ်ယောက်.. တစ်နေ့မှာ ကျွန်မကို နှုတ်မဆက်ဘဲ ကျွန်မဘဝကခွဲခွာခဲ့တဲ့ “ကို” .....

ကျွန်မ”ကို့”ကိုအရမ်းချစ်တယ်...
”ကို့”အတွက် နေ့နေ့ညညအရူးတစ်ယောက်လိုခံစားခဲ့ရတယ်...
ညတိုင်းလိုလိုငိုဖြစ်တဲ့ကျွန်မ...ငိုတိုင်း”ကို့“အတွက်စာတွေရေးဇြစ်တယ်...
”ကို့”အတွက်သောကခံစားရလို့မုန်းမိပေမယ့်...”ကို့”အတွက်အချစ်က ပိုနေတယ်.....


”အမ ဆရာမ” .... ”အမဆရာမ”

ခေါ်သံကြောင့် ကျွန်မအသိတို့ ရုတ်တရက် ပြန်ဝင်လာတယ်...

“အမဆရာမကို ဟိုက အကိုဆရာလေး ခေါ်နေတာကြာပြီး.. အမဆရာမ စိတ်ကူးယဉ် နေတာလား.... ဟီးဟီး.....”ကားစပယ်ရာ ကောင်လေး စကားကြောင့် ပြုံးနေကြတဲ့ သူတွေကိုကြည့်ပြီး ကျွန်မရှက်သွားတယ်.. လှည့်ကြည့်လိုက်တော့ပြုံးစိစိနဲ့ ကျွန်မကို မျက်စနဲ့လှမ်းခေါ်တဲ့ အကြည့်နဲ့“ကို” ကျမပြောမပြ တတ်လောက်အောင် ရင်ထဲကို ချင်သွားလောက်အောင် အရမ်းဝမ်းသာသွားမိတယ်.. ဒီလိုဟိုရွေ့ဒီတိုက်နဲ့ ကို့အနားကို တိုးသွားမိတဲ့ကျမ ”ကို့” အနားရောက်တော့ ထူးထူးဆန်းဆန်း နေရာကထပေးတယ်လေ အံ့သြမင်သက်စွာကြောင် ကြည့်နေတဲ့ကျမကို ”ကို”က အားမလိုအားမရစွာ ကြည့်ရင်း ထိုင်ဖို့ပြောပြန်တယ် ပြီးတော့လဲ “ကို”က ကျွန်မနား တိုးတိုးလေး ကပ်ပြောတော့ ကျွန်မအားရပါးရ ရယ်မောမိတော့တယ်...
“ကို”ပြောလိုက်တာက ”ငါကိုတော်တော် ဒုက္ခပေးတဲ့အချစ်ပါရမီ.... အခုထိ ဒုက္ခကပြီးတယ်လို့ကိုမရှိဘူး”

ကျမပီတိများစွာနဲ့ “ကို့”မျက်နှာလေးကို မျက်ရည်ဝဲသွားလောက်တဲ့ထိ ငေးမောရင်း....

ဖိုးစိန်