ပေါက်ဖော် နဲ့ ဟောက်ဖော်

အခုတစ်လော ရာသီဥတုက ပူတယ်… ညည အိပ်လို့ မရဘူးဗျာ.. အခုတစ်လောသာ ပြောလိုက်တယ် … အိပ်မပျော်တဲ့ ညတွေက လချီနေပြီး… အိပ်သာမပျော်တာ..ပုံမှန်နိုးချိန်က နှိုးစက်ထက်တိကျသေးတယ်… ညဘယ်အချိန်အိပ်အိပ် မနက်မိုးလင်း(၆) နာရီဆို မျက်စိနှစ်လုံးက အလိုလို ပွင့်နေတယ်…

တစ်ခါတစ်လေ အွန်လိုင်းပေါ်မှာ မိုးလင်းထိ ရှိနေတတ်လို့ သူငယ်ချင်းတွေ အကိုအမတွေရဲ့ အော်ငေါက် အိပ်ခိုင်းချင်းကို ခံရတတ်သေးတယ်… အိပ်မပျော်ရင်စာဖတ်ဆိုလို့ ဘလော့လေးတွေ လျှောက်လည်စာဖတ်တာ အိပ်မပျော်တဲ့အပြင် ရီစရာတွေ စိတ်ဝင်စားစရာတွေနဲ့ တိုးလို့ မိုးတောင်လင်းသွားတဲ့ နေ့တွေ ရှိသေးတယ်… တရားမှတ်ဆိုလို့ မှတ်ပါတယ်… တရားကျပြီး နတ်ပြည်တစ်ခေါက် အလည်ရောက်ပြီး ပြန်ဆင်းလာတာတောင် မျက်လုံးလေး ကလည်ကလည်နဲ့ အိပ်မပျော်ဘူး… နောက်ထပ် အိပ်ဆေးနဲ့ ကူသေးတယ်... ကိုယ်ကပဲစွမ်း နေလားတော့မသိ... ပိုလို့တောင် မျက်စိကြောင် နေသေးတယ်… (တစ်ချို့ကတော့ မင်းကော်ဖီသောက်များလို့တဲ့...ဖြစ်နိုင်လား... မသောက်တဲ့နေ့လဲ ဒီလိုပဲ အိပ်မရတာ)

အဲဒီလိုဆိုတော့လဲ ခေါင်းချတာနဲ့ အိပ်ပျော်တတ်တဲ့အဖေ့ကို သတိရမိပြန်ရော.. အဖေက ညညဆို အလုပ်ပင်ပန်းတာရယ်..ကျန်းမာရေး အရ သောက်ထားတဲ့အရှိန်ရယ်ဆိုတော့ ခေါင်းချတာနဲ့ အိပ်ပျော်တာပဲ.. အိပ်ရင်လဲ ကောင်းကောင်း မအိပ်ပြန်ဘူး..သူအိပ်နေပါတယ် ဆိုတာ လူသိရှင်ကြား ဖြစ်ချင်သေးတယ်လေ…တစ်အိမ်လုံးက ဖေဖေ့ ဟောက်သံကြီးပဲ… ဟောက်သံကြားလို့ အဖေက အရမ်းဟောက်တာပဲ ပြောရင် ကမန်းကတန်း မျက်လုံးလေးပြူးပြပြီး “အဖေအိပ်နေပေမယ့် အားလုံးကိုသိပါတယ်”တဲ့… ခဏနေ ကြည့်လိုက် အဖေပြန်ဟောက်နေပြန်တယ်…

အဖေနဲ့ အမေက တခန်းတည်း တူတူ အိပ်တယ်ဆိုတော့ ဟောက်သံကို မခံနိုင်တဲ့ အမေကလည်း အဖေ့ကို စစ်ဆင်ရေးဆင်းလေ့ ရှိပါတယ်… အဖေလုပ်သူက ဟောက်တာနဲ့ တိုက်စစ်ဆင်တော့ အမေက အခန်းထဲမှာ ဗုံးကျဲပြီး ထိုးစစ် ပြန်ခင်းတယ်… အမေကျဲတဲ့ဗုံးက အနုမြူဗုံးအလုံး တစ်ထောင်နဲ့ ညီမျှနိုင်တယ်… ဒါတောင်ပိုမပြောထားဘူး… (ကျမ်းမာရေး အတွက် အမေညတိုင်း သောက်တဲ့ဆေးက အာယုဒီဃ သက်စောင့်ဆေး)

ပန်ကာလက်မှိုင်ချလို့ အဲယားကွန်း လင်နောက်လိုက်တာ အမေ့ဗုံးကြောင့်… အဖေ ဘယ်လောက်ဟောက်ဟောက် အမေ့ဗုံးမိရင်ချက်ချင်း တပ်ဆုတ်ရတယ်..ညည သန်ခေါင်း ကျော် ယောင်လို့များအဖေတို့ အခန်းထဲ မဝင်မိစေနဲ့... ဝင်မိလို့က နှစ်ရက်လောက် ထမင်းမစားနိုင်ဖြစ်သွားမယ်…
ညညဆို အဖေတို့ အခန်းထဲကနေ မကျေမနပ် ထွက်လာတဲ့ အသံတွေက

“ညီမကလဲကွာ… ဒီလောက် နံနေတာ… ပေါက်ခါနီးသတိပေးပါလား.. ”

အမေလုပ်သူက “ ရှင်ကလည်းလေ… ကျမ ပေးတယ်... အနံ့လေးနဲ့”ဆို ပြီးစကားများ တတ်သေးတယ်...

ဒီလိုညတွေ ဖြတ်သန်းပါများ တော့လည်း အဖေ မခံမရပ်နိုင်တဲ့ ညတွေဆို အဖေအခန်းပြောင်းရတော့တယ်… ညီ အငယ်ကောင်နဲ့ အိပ်ဖို့ ကျတော့ အငယ်ကောင်က ညညရှူးရှူး ပန်းတတ်တဲ့အကျင့်ရှိတော့ ညီလုပ်သူနဲ့များ သွားအိပ်ရင် တော်ကြာညသန်းခေါင်ကျော် အဖေ ဘီယာတွေ ထပ်ပြီး လှိမ့်သောက်နေ ရမှာကြောက်ပြီး မအိပ်ရဲဘူး… အငယ်မလေးနဲ့ ကျတော့ အဖွားနဲ့ အိပ်တာဆိုတော့ သူတို့ အခန်းထဲ သွားအိပ်လို့ က မဖြစ်… ဒီလိုဆိုတော့ ကျွန်တော်လဲ အဖေကိုသနားတာနဲ့ အဖေကို ကျွန်တော်နဲ့ အိပ်ဖို့ ခေါ်တယ်..အလကားတော့ မရဘူးပေါ့…

တစ်ညကို (၁၀၀)ကျပ်… ပေးနိုင်ရင်အိပ် မပေးနိုင်ရင်မအိပ်နဲ့… ဟောက်လို့ က ပေတံနဲ့ ရိုက်မယ်ဆိုတာ ပြောပြီးသား… ဗုံးထက်စာရင် ကျွန်တော့်တောင်းဆို ချက်က မများဘူးဆိုတော့ သူ လဲ လာအိပ်တာပေါ့ဗျာ… မိုးလင်းရင် ”ငါ့သားကြီးက တကယ်ဆော်တယ်ဟ..လက်မောင်းကိုစပ်လို့ ညကျရင်တော့ ဖြေးဖြေးရိုက် တစ်ကျပ်ပိုပေးမယ်” လို့ ဆိုသေးတယ်…

တစ်ည ကျွန်တော်က အဖေနဲ့ စကားများပြီး အဖေ ကိုစကားမပြောဘူး… အမေကလည်း ဒီနေ့ သက်စောင့်ဝမ်းနှုတ်ဆေး စားထားကြောင်းကို တရားဝင်စစ်ကြေညာထားတယ်… ချက်တဲ့ဟင်းက ကြက်သားပဲကုလားဟင်း… စစ်ကြေညာပြီးကတည်းက ဟို တစ်စ ဒီတစ်စ ဗုံးလိုက်ကျဲနေတာဆို တော့ အဖေခမျာ ည အတွက်ရတက်မအေးရှာဘူးဖြစ်နေတယ်…

အဲဒီမှာအခွင့်ကောင်းစောင့်နေတဲ့ ကျွန်တော့်ညီမ ကအဖေ လုပ်သူကို “အဖေ ကိုကြီးကိုပေးတာ ထက်ငါးဆယ်ပိုပေးရင် အဖေဒီည အဆင်ပြေစေရမယ် ငွေကို အခုပေးရမယ်… ညကျလို့ သမီး အချက်ပြရင် အဖေအိပ်လို့ ရပြီ”ဆို ပြီး အဖေနဲ့ အပေးအယူလုပ်နေတာကြားနေရတယ်…

ဒီလိုနဲ့ ညသန်းခေါင်လဲကျော်ရော … ကြွားကြွားဝင့်ဝင့် ထွက်ပေါ်လာတဲ့ အဖေဟောက်သံနဲ့ အတူ အဖွားက အဖေ့ကို မောင်းထုတ်သံကိုပါ ကြားလိုက်ရတယ်… ကျနော်တို့ ညီအကိုရော အမေရော အိပ်ယာထဲကနေ တခွီးခွီးနဲ့ပေါ့… ဘာပဲဖြစ်ဖြစ် ညီမလုပ်သူက ပိုက်ဆံကို ကြိုရထားတဲ့ အတွက် အိပ်ပျော်ချင်ယောင် ဆောင်နေတာများ တုတ်တုတ်မျှမလှုပ်… သွားအိပ်တာကလည်း ညီမလေးတို့ ကုတင်ဘေးမှာ သွားအိပ်တာကိုး… အဖွားက ဟောက်သံကြောင့် လန့်နိုးလာတော့ ဒေါသထွက်ပြီး အဖေ့ ကိုအော်တာပေါ့..

အဖေ့ခမျာ ညကြီး သန်းခေါင် ခေါင်းအုံးလေးပိုက်ပြီး ယောင်လည်လည်နဲ့ အမေ့ အခန်းကို သွားချောင်းလိုက် ကျနော့်နားကို လာလိုက် ခေါင်းကုတ်လိုက်နဲ့ တီဗွီရှေ့မှာ ငုတ်တုတ်ငိုက်နေတာမို့ ကျွန်တော်လဲ သနားပြီးခေါ်အိပ်လိုက်တယ်… ဒါပေမယ့် ဈေးတက်သွားတယ်… တူတူလာအိပ်ခ က (၂၀၀) နဲ့ဈေးဖြတ် လိုက်တယ်… တကယ် အဖေ့ကို သနားသွားလို့ပါဗျာ…..

သြော်……အဖေ ..အဖေ ..တစ်အိမ်လုံးကို လုပ်ကျွေး နေပေမယ့် အိမ်မှာ အဖေ့အတွက် အိပ်စရာနေရာ မရှိဘူးဖြစ်နေတယ် ဆိုပြီး စိတ်မကောင်း ဖြစ်မိတယ်… စိတ်မပူပါနဲ့ အဖေရေ … သားမိန်းမရပြီးရင်တော့ သားတို့နဲ့ လာအိပ်ဗျာ… ဒါပေမယ့် တိုက်တစ်လုံး ကားတစ်စီး လက်ဖွဲ့….. အားးးးးး ..နေဦး….မဖြစ်သေးပါဘူး… (စဉ်းစားကြည့်... တောင်းရင်သူကပေးမှာ အရင်တုန်းကတော့ သားတစ်ယောက်တည်းနဲ့ အိပ်ရတာ... အခုတော့ ကံစမ်းမဲ ပါတယ်လုပ်နေဦးမယ်..တော်ပြီ… မဖြစ်ပါဘူး... အဖေ့ ချစ်ချစ် ရဲ့ နံ့သာမြိုင်စံနန်း မှာပဲ အိပ်ပါတော့ ဗျာ... )

ညီမလေးရေ … ဒီပိုစ့်ကို မေမေကို မဖတ်ပြလိုက်ပါနဲ့ကွာ… မေမေက သူ့ရဲ့ လှတပတ ငယ်ဘဝ အကြောင်းလေးကို စီကာပတ်ကုံး ရေးစေချင်တာ..အခုဟာက သူ ညည ဗုံးကျဲ တဲ့ အကြောင်းဆို တော့ သူ အမြင်ကတ် စိတ်နာပြီး ပေးမယ်အမွေတွေကို လျှော့လိုက်မှဖြင့်… ခွဲတမ်းပေးမယ်... ထုံးစံအတိုင်းပေါ့

အဖေ့အိမ်ကိုလွမ်းဆွတ်ခြင်း များစွာဖြင့်...

ခင်မင်လေးစားစွာဖြင့်

ဖိုးစိန်