နေချင်သော ကျနော့်မြို့လေး

ကျနော်တို့ မြန်မာလူမျိုးတွေ မြို့တွေနဲ့ ပတ်သက်လာရင် စကားတစ်ခွန်း ဆိုကြတယ် မဟုတ်လား…

မန္တာလာသား စကား…

ရန်ကုန်သား အကြွား…

မော်လမြိုင်သား အစားတဲ့………


“စားကျအုံးမလား…ဟောဒီက ပဲပြုတ် နံပြား”…………

………………………………
“ပဲတီ ပဲမှုတ်….ပဲတီ ပဲမှုတ်………ရမယ်……..”

………………………………
“အောင်သပြေ ဂန္ဒာမာ စံပယ် မွှေးမွှေးလေတွေ ရမယ်နော်…. ခရေကုံးလဲပါတယ်……..”

မိုးလင်း အာရုံတက်ပြီးဆိုရင် တစ်ချက်ကြားရလိုက် ပျောက်သွားလိုက် ပြန်ကြားလိုက်နဲ့ မနက်ခင်းဈေးသည်များ ရဲ့ အသံနဲ့ နိုးထရတဲ့ မနက်ခင်းလေး… အိပ်ယာထ မျက်နှာသစ်ပြီးပြီး ဆိုရင်တော့ လမ်းဆုံ လမ်းခွတိုင်းမှာ ရှိတဲ့ လက်ဖက်ရည်ဆိုင်ကို သွားမလား…. မုန့်ဟင်းခါး ခေါက်ဆွဲ ထမင်းကြော် ခေါက်ဆွဲကြော် အသုပ်စုံ ရှိတဲ့ဆိုင်သွားမလား… ဒါမှမဟုတ် တစ်ဖက်လမ်းက ကြက်သွန်ကြော် ဗူးသီးကြော် ဝယ်ပြီး ပဲပြုတ်ပင်ပေါက်နဲ့ ထမင်းဆီဆမ်းစားပြီး ကော်ဖီသောက်မလား… မလိုင် နံပြား ဆမူဆာ ကော်ရည်ဆီချက် ပေါက်ဆီ စသည့်ဖြင့် နေ့စဉ် မရိုးနိုင်အောင် မနက်အတွက် အစားအသောက် ပေါတဲ့ နေရာ …

မနက်စာ စာပြီးရင် မနက်ဈေးတန်းသွားပြီး ဟင်းသီးဟင်းရွက် အသားငါးစုံ ကိုလတ်လတ်ဆတ်ဆတ် ဝယ်လို့ရနိုင်တဲ့ဒေသ… ချောင်းရိုးတစ်လျှောက်မှ တက်လာတဲ့ ငါးပုစွန်တွေကိုလည်း စိတ်တိုင်းကျ ဝယ်ယူစားသုံးနိုင်သေးတယ်… ဒါတင်မက ကိုယ်ပိုင်စိုက်ပျိုးထားတဲ့ ခြံကထွက်လာမယ့် ငှက်ပျော သဘောင်္ ဒူးရင်း မင်းဂွတ် ကျွဲကော ကြက်မောက် စတဲ့ရာသီ သီးနှံများကို လတ်လတ်ဆတ်ဆတ် ခြံသွား လက်ညှိးထိုးစားမလား…






နေ့ခင်းဘက်ရောက်ပြီးလား… သာကူပြုတ်ရွှေရင်အေး ခွက်ပြင် မုန့်ကျွဲသဲ မုန့်လင်မယား မုန့်စိမ်းပေါင်း မုန့်ကြာရိုး ဂျုံပြုတ် စတဲ့မြန်မာမုန့်မျိုးစုံ လှည့်လည်ရောင်းနေတဲ့ အော်သံတွေ နဲ့အတူ နေ့ခင်းဘက် စည်ကားနေတတ်တဲ့ လက်ဖက်ရည်ဆိုင် အအေးဆိုင်တွေလဲ ပေါသေးတယ်..


ကျိုက်သလန် တောင်ပေါ်ဘုရား









ဆည်းဆာချိန်



နေသာချိန် ညနေချမ်းရောက်ရင်တော့ ကျိုက်သလန် တောင်ပေါ်ဘုရားမှာ ဘုရားဝတ်ပြုရင်း တောင်ပေါ်က ရှုခင်းသာကို လူငယ်တွေက ဆိုင်ကယ်ကိုယ်စီ… မိသားစုတွေက ကားကိုယ်စီနဲ့ သွားပြီး ကျယ်ပြောလှတဲ့ သံလွင်မြစ်ကြီးနဲ့အတူ လှမ်းမြင်နေရတဲ့ ကျွန်းစုတွေကိုကြည့်ပြီး မိသားစု စကားဝိုင်းဖွဲ့ရတဲ့ ညနေဆည်းဆာ အရသာက ဘာနဲ့မှ မလဲနိုင်… အိမ်အပြန်လမ်းမှာ ကမ်းနားလမ်း တလျှောက် ကားမောင်းပြီး မုန့်ဟင်းခါ ကြာဇံချက် ဖက်ထုတ် ကြေးအိုး အားပူကြာပတေ အားလူးပူရီ ပဲလိပ် အစရှိတဲ့အစားအစာမျိုးစုံကို မြို့ပတ် ရှာစားရတာလဲ ပျော်စရာ ကောင်းလှပါတယ်…

ညဘက်ရောက်လို့ အိပ်ခါနီးမှာ ပလာတာ အီကြာကွေးနဲ့ နွားနို့သောက် ဒါမှမဟုတ် ရေခဲမုန့် ဖာလူဒါ စားအုံးမလား.. တောမကျ မြို့မကျ ဆိုတော့ လျှပ်စစ်မီးကလည်း လာတစ်ရက်မလာတစ်ရက်… ဖယောင်းတိုင် မီးအိမ်ထွန်း ရတဲ့ရက်တွေမှာ လကိုအားပြုရင်း မိသားစုတွေ ရှေးဟောင်းနှောင်းဖြစ်တွေ ပြန်ပြောနိုင်တယ် (မီးများလာခဲ့ရင် ဒီအခွင့်အရေးမရ... မိသားစုစကားပြောချင်ရင်တော့ မီးမလာပါစေနဲ့တောင် ဆုတောင်းရမလိုလို)… ဒီလိုညတွေမှာ သကြားမုန့်ဖက်ထုပ် သာကူမုန့်ဖက်ထုပ် ပူပူနွေးနွေး အော်သံလေးကိုပါ နားစွင့်နေတတ်ပြန်သေးတယ်…

ရာသီအလိုက် တစ်နှစ်ပတ်လုံး ဘုရားပွဲတော်များ နဲ့စည်ကားတဲ့မြို့… ကဆုန်ညောင်ရေသွန်းပွဲ ကနေစလို့ မိုးတွင်းတတွင်းလုံး ရပ်ကွက်အနှံ့ အသံမစဲ ပဌာန်းရွတ်သံကိုလဲ ကြားနေရမှာပါ… ဝါဆိုဝါခေါင် ရေဖောင်ဖောင် မှာ လှေကလေးတွေ စီးပြီး ချောင်းရိုးတစ်လျှောက် ဝါဆိုပန်းခူး ထွက်ကြမလား…

ကျိုက်ခမီရေလည်ဘုရား



သီတင်းကျွတ်ပြီးဆိုရင် မဖြစ်ဖြစ်အောင် သွားကြတဲ့ ကျိုက်ခမီဘုရား ပွဲတော်နဲ့ စက်စဲကမ်းခြေ…မြို့နယ်တိုင်း ရပ်ကွက်တိုင်းမှာ ကျင်းပပြုလုပ်တဲ့ တန်ဆောင်တိုင် မီးထွန်းပွဲတော်နဲ့ ဆီမီးမျှောပွဲတွေ… ရပ်ကွက်တိုင်း ပွဲတွေကဆက် အပျော်တွေက မပျက်…

ကျိုက်ထီးရိုးစေတီတော်



ဆောင်းတွင်းကျရင် ပျော်ပျော်ပါးပါး အုပ်စုဖွဲ့ပြီး တက်ကျတဲ့ ကျိုက်ထီးရိုးဘုရားဖူးနဲ့အတူ အပြန်ကိုဝင်လည်ကြတဲ့ ဘားအံမြို့က သာမညတောင်…

ဒီလို အစားအသောက်တွေ နဲ့ ဟင်းသီးဟင်းရွက်နဲ့ အသီးအနှံပေါများတဲ့ မြို့… မြစ်ချောင်း အင်းအိုင်တွေပေါပြီး ကျိုက်မရော ကျိုက်ပေါလော ကျိုက်သလံ မဟာမြတ်မုနိ ကျိုက်ခမီ ကျိုက်ထီးရိုး စတဲ့တန်ခိုးကြီးဘုရားနဲ့အတူ ထန်းပင် အုန်းပင် ရာဘာပင်များနဲ့ စိမ်းစိမ်းစိုစို အလှဆင်ထာတဲ့မြို့… ဒီမြို့က ကျနော်ရဲ့ဇာတိ ချက်ကြွေ မွေးရပ်မြေ….. မော်လမြိုင်ဆိုတဲ့ မွန်တို့ဌာနေ… အနေချင်ဆုံး မြို့ဆိုရင်တော့ မိဘဘိုးဘွား အစဉ်အဆက်က နေခဲ့တဲ့ မော်လမြိုင်ဆိုတဲ့ တောမကျ မြို့မကျမြို့လေးမှာပဲ နေချင်ပါတယ်… … မော်လမြိုင်မြို့ မှာနေရင်တော့ ဒီနေရာတွေကို နှစ်တိုင်းပုံမှန် ရောက်နေ သွားနေတဲ့ အလေ့အထ… ဒီလိုသွားရတာကိုလဲ ပျော်တယ်… မော်လမြိုင်မှာ နေမှလဲ ဒီနေရာတွေကို စုံအောင် ရောက်ဖြစ်မှာပါ… အကယ်၍ အသက်အရွယ် ရတဲ့အထိ နေရမယ်ဆိုရင်တော့ အစားအသောက်ပေါများတဲ့ မော်လမြိုင်မြို့ မှာရှိတဲ့ ခြံထဲက အိမ်လေးမှာ ခြံစိုက်စားရင် ဘဝကိုကုန်ဆုံးချင်ပါတယ်…


တစ်ဆက်ထည်းမှာ ပဲကျနော့်ရဲ့ ဘလော့ပေါ်က ညီအကိုမောင်နှများအားလုံးကို မော်လမြိုင်မြို့ကို အလည်တစ်ယောက် လာလည်ဖို့ ဖိတ်ခေါ်ပါရစေ… ဧည့်သည်အမြဲမျှော်တတ်တဲ့ မော်လမြိုင်သားတွေက အစားမျိုးစုံနဲ့ ဧည့်ခံပြီး မွန်ပြည်နယ်အနှံ့ လိုက်ပို့ပေးဖို့ ဖိတ်ခေါ်ပါတယ်… ဧည့်ဝတ်ကျေ မကျေသိချင် တယ်ဆိုရင်တော့ ဖိုးစိန်တို့ အိမ်ကိုရောက်အောင် လာခဲ့ဖို့ ပြောချင်ပါတယ်ဗျာ…

ဖိုးစိန်တို့ မိသားစုက နေထိုင်ရေးနဲ့ ခရီးသွား ဝန်ဆောင်မှုကိစ္စ အဝဝကိုတာဝန်ယူပါတယ်… အိမ်မှာအဖေကိုယ်တိုင် တီထွင်ထားတဲ့ ထော်လာဂျီ မာစီးတီး (၃)စင်းရှိတယ်… အမိုးဖွင့်ကားလေးတွေ… ရိုလာကိုစတာ စီးရတာထက် အဆတစ်ရာ ပျော်ဖို့ကောင်းတယ်… ကျနော်တို့ ညီအကိုတွေက ဘရိတ်ဆီဖိုးသက်သာအောင်(အဖေပေးတဲ့ဘရိတ်ဆီဖိုးက ဗိုက်ထဲရောက်သွားလို့) အိမ်ကနေအလကားရတဲ့ ခေါင်းလျှော်ရည် ထည့်ပြီးမောင်းတယ်… ဒါကြောင့် ဘရိတ်အုပ်ချင်ရင် (၁)မိုင်လောက်ကနေ အုပ်ရတယ်… ကျနော်ကားမောင်း ကျွမ်းတာလဲ မပြောနဲ့… မြင်သမျှ မတိုက်မိ မရှိစေရ… (လှယဉ်ကျေးမယ် တွေ မောင်ဗမာတွေ အရွေးခံချင်တဲ့ ကောင်တွေရဲ့ တင်ပါးတွေလဲပါတယ်)ကဲဒီလောက်ဆို ဝန်ဆောင်မှု ကောင်းကောင်းနဲ့ မော်လမြိုင်ကို အလည်တစ်ခေါက်လာဖို့ အားရှိလောက်မယ်ထင်တယ်…

“မွန်တို့ငှာနီ ရာမည သာစွနေပြည်…သာစွ နေပြည်.. ထန်းပင် ထန်းလက် ထန်းရွက်ညီညီ… တန်ခိုးကြီးဘုရားတို့စုံလင်ပေသည်… အထ္တရံ ဂျိုင်းပေါင်းဆုံပါသည် သံလွင်မြစ်ကြီးသက်သေတည်… သီးနှံများပေါကျွယ်ပေသည် မော်လမြိုင်မြို့ကသာယာလှပေသည်….. အလည်လာဖို့လဲ ဖိတ်ခေါ်ပါသည်... ထော်လာဂျီလဲ စီးဖူးမည်.... အစားလဲစုံ... ပျော်ပါမည်... လာခဲ့ပါလို့ ဖိတ်ခေါ်လိုက်ပါသည်”

ခင်မင်လေးစားစွာဖြင့်

ဖိုးစိန်

ချစ်သယ်ရင်း ကိုကိုနို( ရီနိုမာန်)ရေ... ကျေနပ်တယ်နော်...

ပုံတွေကို ရှာပို့ပေးတဲ့ တူရီးတော် ကိုကိုနွန် (တလနွန်)ကို ကျေးဇူးတင်ပါတယ်...
ဒီပုံတွေကို ရိုက်ပေးခဲ့သူများနဲ့ တင်ပေးခဲ့သူများကိုလဲ ကျေးဇူးတင်လေးစားလျှက်