ဖျားနာနေတဲ့ တောင်ပံတစ်စုံ

ငါ့မှာ….. လရောင်တွေကိုသုတ်လိမ်း
မျက်ရည်များနဲ့ငြိမ်းသတ်
တဖျတ်ဖျတ် လှုပ်ခတ်နိုင်တဲ့တောင်ပံတစ်စုံရှိတယ်..


ဒီတောင်ပံတွေထဲမှာ
နာကျည်းမှုနဲ့ အရောင်ဆိုး
ဝမ်းနည်းခြင်းတွေ တန်ဆာဆင်
အလွမ်းတွေကို ရှတစွာ ထုဆစ်သက္ကရာဇ်တွေကို ဖြိုဖျက်ရင်း
ကျိုးပျက်ကွဲအက်နေတဲ့ နှလုံးသားတစ်စုံကို သဂြိုလ်ထားလေရဲ့…..။

ဒီနှလုံးသားကို တံခါးပိတ်ထားချိန်
လရောင်တွေ အရည်ပျော်
တောင်ပံတွေ မလှုပ်နိုင်ကြတဲ့
စက္ကန့် မိနစ် နာရီ နေ့ လ နှစ်တွေရဲ့
သဲ့ယူခြင်းခံနေရတဲ့ ညနေများစွာမှာ
လေးညှို့သံကိုတွေးကြောက်ရင်း
တိတ်ဆိတ်စွာ …ငိုညည်းနေခဲ့ရတယ်….။

တံလျှပ်ကရေမဖြစ်ခဲ့မို့
ရေငတ်ဝေဒနာ ရင်မှာလောင်မြိုက်
အနာဂတ်အစ ပစ္စုပန်လမ်းဆုံးမှာ
ခဲမှန်ဖူးတဲ့ ဒီတောင်ပံတစ်စုံက
ဒဏ်ရာနှလုံးသားနဲ့
လောကကို
မင်သက်စွာငေးမောတွေးတောရင်း.....

ဒီတစ်ကြိမ်လဲ ထောင်ချောက်မဖြစ်ဖို့
လမင်းကို တိတ်တဆိတ်
ဆုတောင်း ….
တမ်းတ….. ကြေကွဲ….ရင်း
ငါ................. ဖျားနာနေခဲ့တယ်….။


ဒီကဗျာလေးက (၂၀၀၁)ခုနှစ် တက္ကသိုလ်တက်နေတုန်းက သူငယ်ချင်းတွေစုပြီး ဗလာစာအုပ်မှာ အမှတ်တရ စုရေးခဲ့ဖူးတဲ့ ကဗျာလေးပါ... (ကဗျာစာအုပ်ထုတ်ဖို့ မတတ်နိုင်လို့လေ) ဒီကဗျာလေးကို တီချယ်မီကို ပေးဖတ်တော့ တီချယ်မီကပြောဖူးတယ်... အဲဒီဖျားနေတဲ့ တောင်ပံကို အမွေးနှုတ်ပြီး ကြော်စားလိုက်လေတဲ့...း) ခုတစ်လော စာရေးပျင်း အိမ်လည်ပျင်းနေပေမယ့် ကိုယ့်အမတွေ အကိုတွေရဲ့ ကဗျာကောင်းတွေ စာကောင်းတွေကိုမွှေနှောက်မိနေတယ်... အနည်ထိုင်အောင် ကြိုးစားရင်းပေါ့လေ... ကဗျာရေးကောင်းတဲ့ အမတွေရှေ့မှာ ဒီကဗျာလေးကို တင်လိုက်ရတာ အားတော့နာပါရဲ့... ဒါပေမယ့် အမကြီးတွေရဲ့ ကဗျာကောင်းကောင်း တွေကို ဖတ်နေတဲ့အချိန်မှာ ရေးထားခဲ့ဖူးတဲ့ ဒီကဗျာလေးကို သတိရသွားလို့ပါ... ခံစားချက်တစ်ချို့ ပါဝင်ခဲ့သလို ခုချိန်နဲ့ တိုက်ဆိုင်နေတာလဲပါတယ်...

ကဗျာဆရာမကြီး အမ နှစ်ယောက် လာဖတ်ရင်..... ကဗျာဆရာကြီး ... လာဖတ်ရင်တော့... ရှက်ပြုံးလေးနဲ့ သွားဖြဲပြုံးရင်း

“သားက ငယ်ပါသေးတယ်ဗျာ”..... လို့ပဲပြန်ဖြေမှာနော်...း)

ခင်မင်လေးစားစွာဖြင့်

ဖိုးစိန်